Спортови резултати

Гандбалери Црвенки у 14. колу першенства у Супер Б лиги пред своїма фанушиками грали нєрівно 25:25 зоз Мачвом з Богатича. Оптерени значносцу бодох, гандбалери Црвенки пренервозно ступели до змаганя, а искусне дружтво Мачви то хаснує и на одпочивок одходзи з предносцу пейцох голох – резултат бул 16:11. У другей половини Црвенчане ше пробовали приближац гощом, алє кед у 56. минути табло указовало 25:21 за Мачву, малох хто очековал преобрацаня. Та два голї Швељи и два капітена Радоньїча принєсли Црвенки вредни бод. Найефективнєйши у дружтве Црвенки бул Радоньїч з 9 голами. Црвенка и далєй задня на таблици з 6 бодами, а у насамледуюцим колу гласка Юговичови до Каћа.

Очекивану виграш здобули гандбалери Сивца на зачатку ярней часци першенства першолигашох. Сивац 69 победзел у Апатине домашнє дружтво, тим Апатин з 33:17. Лидер першолигашского пелотону Сивац 69 оправдал ролю фаворита, а сам резултат найяснєй указує на розлику у квалитету, котра яснє на бокови Сивчанох. Найефективнєйши у дружтве Сивца бул Марко Чабаи з 10 забитими голами. Сивац 69 перши на таблици зоз здобутих 24 бодох, а у насамледуюцим колу прийма Нову Пазову.

Наше друге гандбалове першолигашке дружтво, Лаки з Црвенки, на гостованю у Баймоку проиграло од Радничкого з 35:28. Домашнє дружтво ришело змаганє у першой половини, котру виграло з 17:10. Найефективнєйши у дружтве Лаки були Катарина Маравич и Мария Радулович з по 5 голами. Дружтво Лаки єдевете на таблици з 6 бодами, а у насамледуюцим колу у Црвенки прийма дружтво Мокрина.

Зачала ше ярна часц першенства за векшину наших футболских колективох. Лидер Србскей лиги ґрупа Войводина Гайдук 1912 у першому колу ярней часци першенства бул свободни, бо Србобран одступел змаганє. Кедз Куљанох за перше место змага Кабел з Нового Саду, котри на ярней премиєри здобул виграш, Новосађане зоз лєпшей ґол-разлики преузяли водзеце место на таблици. У насамледуюцим колу Гайдук 1912 гласка дружтву Младосци до Бачкого Ярка.

У першім колу пролеци часци првенства у Войводянскей лїґи футбалери Червенки пред своїма фанушиками победзели Байшу зоз 1:0. Гол одлуки дал капитан Милан Суботич з оправдано присудзеного пеналу. Футбалери Червенки тераз девяти на табели зоз 19 бодами, а у наступним колу иду на гостованє до водзецого Радничкого 1912 у Сомбор.

Зоз штирох представителох у Сомборскей подручней лиги на ярней премиєри лєм футболисти Полета з Сивца здобули бод. Сивчане у Параґох зоз дружтвом Будућносци грали нєрівно 0:0. Другопоставени Русин з Рускего Крстура на гостованю у Бачкей Паланки проиграл од Крила Крајини з 1:0, Кула у Бачу проиграла од Тврдави таксамо з 1:0, а розчаровали футболисти Липара, котри на своїм терену од Кулпина були поражени з 3:0. Русин и далєй други на таблици з 30 бодами, Кула єднацнаста з 20, Полет штирнасти з 11, а Липар пятнасти зоз здобутих 10 бодами. У насамледуюцим колу Русин прийма дружтво Радничкого з Раткова, Кула домацин Славиї з Пивниц, Полет будзе у Сивцу хосцовац Тврдаву з Бача, а Липар глашка Војводини до Товаришева.

У першім коле плеј-ауту у Войводинскей футсал лиги Клуб малей копанки Гайдук пред своїма навиячами победзел екипу Индианс з Инджиї з 8:3, полчас 4:0. Ґоли за екипу Гайдука забили Киш 4, Боговацки 2, Слијпчевич 1, а видзени и єден автогол гостий. У другим коле плеј-ауту футсалери Гайдука пойду на гостованє к екипи Кралевичева у Качареве.

Кошаркаре Гайдука у 20. коле првенства у Првей сербскей лїґи на гостованю у Сремскей Митровици програли од Срема з 90:87. До последнєй часци утримку кошаркаре Гайдука ступели з тройпойнтову предносцу, алє нє вишли им ю заховац. По тим коле кошаркаре Гайдука су шедми на таблици з резултатом 10 победох и тельо само поразох, а у насампредшим коле прицекую екипу Крис крос з Панчева.

Куляши Гайдука у 16. коле првенства у Првей лїґи Сербиї – ґрупа Войводина записали пораз. На гостованю у Зренянине Гайдук програл од домашнїх Кристала з 7:1 у поєдинкох, односно 3334:3247 у звалєних кегльох. Єдине пойнт Гайдуку принєсол Бранко Вуксан, хтори звалєл 577 кеглї. Куляши Гайдука су шедми на таблици з 14 бодами, а у насампредшим коле у Врбасу прицекую екипу Дунава з Бачкей Паланки.            

Ђ.Боянич