Спортови резултати

Гандбалїсти Црвенки уписали и другу ярну прешку у першенстве Супер Б лиги и вше вецей ше приближаю к преселєнкови до нижшого ранґу змаганя. Црвенчани у 13. коле, у войводянским дерби одограним у Зренянине, преграли од ведущого Пролетера з 31:23, полчас 17:13. Найефективнєйши у екипи Црвенки були капитан Радонич з 6 и Еґич з 5 голами. Црвенка последня на табели з 5 здобутима бодами, а у наступным коле пред своїма навиячами домака Мачву з Богатича.

Члени Карате клуба „Вукови“ здобули одлични резултати на 17. по раде медзинародним Карате Фесту „Вировитица опен“, хтори у суботу одограни у Вировитици, Република Горватска, а на хторим наступело вецей як 500 змаганяри зо шестисец клубох зос осемох країн. „Вукови“ на тим престижним змаганю здобули пейц медальох. Юниор Милош Милутинович и младши кадет Растко Миянович здобули шлїберни, а юниори Александр Бодянец и Филип Чосич, як и младши кадет Милош Крнаяц здобули бронзови одличя. Як часц змаганярскей екипи „Вуковох“, на тим престижним карате турниру, наступовал и змаганяр з Карате клуба „Борац 021“ з Шайкаша, стандартни репрезентант Сербиї у категориї надеї, Марко Джурджич, хтори змаганє скончел на високим другим месце. „Вукови“ турнир у Вировитици хасновали и як часц припрамох на предстояце Школске першенство Сербиї, як и Першенство и Куп Войводини, хтори ше одримаю у наступних тижньох, и одмерали сили зо змаганярами зо реґиона, дзе, медзи иншим, мали и змаганя зо стандартнима репрезентантами БиГ, Горватскей, Румуниї и других країн. Окрем одличних змаганьох, хтори указали же спортова форма змаганярскей екипи є на изузетно високим уровню, млади „вукови“ здобули неоценьлїве искуство хторе им будзе много значиц у предстояцей спортовей карєри.

Кошаркаре Гайдука у 19. колу првенства у Првей сербскей лиги пред своїма прихильниками програли дружини Младосц Ветерник з Ветерника зо 79:75, полочас 46:44 за гостю. Сам резултат гвари же була нєизвесна шветка, у котрей практично єдна лопта ришовала победнїка. Кошаркаре Гайдука мали у средзини остатней часци плюс 5 и два напади на збогачованє того предношу, та то нє знова змогли зробиц и на концу були поражени. Кошаркаре Гайдука шести на таблици зо 10 победи и 9 поразки, а у наступним колу иду на гостованє до Срема у Сремску Митровицу.

Вредну вигру здобули кегляри Гайдука, хтори у 15. коле першенства у Першей лиги Сербиї ґрупа Войводина як домаци у Врбасе виграли над Славией з Ковачици з 6:2 поєнох, односно 3323:3277 звалєних кегльох. Поєни за Гайдук здобули Владимир Тришич, хтори звалєл 583 кегльох, Бранко Вуксан з 558, Бранко Маноилович з 559 и Дарко Милович з 555 звалєнима кеглями. Кегляри Гайдука су тераз шести на табели з 14 бодами, а у наступним коле одходза на гостёванє к последньому Кристалу у Зренянине.

Ђ.Боянич