Спортови резултати

Гандбалїсти Црвенки записали нову препору у Супер Б лїґи. Црвенчани у 7. коле першенства, на гостованю у Лозници програли домашнїй Лозници з 26:25, полочас 12:12. Грало ше углавним гол за гол, аж Лозница у 49. минуте здобула два голи предносци, повела з 21:19 и до концу успела ховац минималну предносц. Найефикаснєйши у екипи Црвенки бул Швельо з 9 голами. Гандбалїсти Црвенки су остатнї на таблїци з 3 освоєнима бодами, а у наступним коле дочекаваю водецих Лавох з Бачкей Паланки.

Сивац 69 у осмим колє прволигашного рукометного чемпіонату виграл од дружтви Младосц у Вршацу з 31:17. Млада дружтва домашнїх ани у єдним сегменту гришки нє могла парирац квалитетному саставу Сивца. Найефективнєйши у редох Сивца бул Ненад Славуљица, котри постигнул 10 голи. Сивац 69 перши на табели з 16 здобутих бодох, а у насампредуюцим колє, у дербию єсени, пред своїма присталицами у Црвенки дочекаю Ябуку. Хто у тим стречаню вигра, будзе сигурни єсенї првак Првей лиги ґрупа север и крок блузше Супер Б лиги.

Футбалери Гайдука су все блїжей титули яриношнього шампиона у Сербскей лиги ґрупа Войводина, бо два кола пред концом яриношней часци су лїдери, з трома бодами пред другопоставену екипу. Куляни у 15. колу першенства пред своїми навиячами победзели екипу Железнїчара з Панчева з 1:0, голом Милоша Миличковича. Треба повесц же Гайдук у тей стречи виступел без кажнених Миїча и Койчича, як и повредзеного Веселиновича. Гайдук 1912 є перши на таблици з 38 освоєними бодами, а у насамнїм колу идзе на гостованє Раднїцкому до Зренянина.

У 13. коле першенства у Войводинскей лїґи ґрупа север футболїсти Црвенки на своїм терену грали неришене 2:2 з Слогою з Чоноплї. Футбалїсти Црвенки водзели з 2:0, голами Булатовича и Милана Суботича, алє у другей половини послабли, та мушели ше задовольниц лєм з єдним бодом. Црвенка є єдинацета на таблїци з 15 освоєнима бодами, а у наступним коле идзе гостювати Таванкуцу.

Футбалїсти Русина з Русского Крстура ше у 13. коле першенства у Сомборскей окружней лїґи пред своїма фанушиками поразили екипу Кулпина з 4:1 и задржали друге место на таблїци. Кула приємно здумовала, бо на гостованю у Раткове поразила екипу Раднїцкого з 2:1. Липар на своїм терену з сомборским ЖАК-ом грал неришене 1:1, а єдино наш штварти представитель Полет препорани. Сивчани у Бачкей Паланки програли Крилам Країни з 1:0. Русин є други на таблїци з 26 бодами, Кула девета з 17, Липар штирнацета з 9, а Полет остатнї шеснаци з 6 бодами. У наступним коле на програму є општински дерби: у Кули ше стрецу Кула и Липар, Полет у Сивцу дочека Раднїцкого з Раткова, а у дербию кола у Товаришеве ше стрецу третєпоставена Войводина и другопоставени Русин.

Обрадовали футболери Младосци з Крушчича, котри у 11. колє першенства у Сомборскей медзиопштинскей лиги перши розряд у Сомборе победали ОФК Шикару з 2:0. Младосц є десята на таблици з 9 бодами, а у насцедуюцим колє у Крушчичу вичака Омладинца з Дероня.

Нови пораз уписали члени Клуба малей копанкарки Гайдук. Куляни у 7. коле чемпионату у Футсал лиги Войводини пред своїма симпатизерами програли ведущей Пчинї з Каравукова з 8:2. Клуб малей копанкарки Гайдук послїднї на таблїци, без здобитого бода, а у восьмом коле чемпионату прийма дружину Лєцючий Голанђанин з Врбаса.

Кегляри Гайдука остварели побиду у 8. колє првенства у Першей лиги Сербиї – ґрупа Войводина. Куляни побидзели екипу Дунава з Бачкей Паланки з 5:3 у поєнох, односно 3279:3230 у звалєних кегльох. Поєни за Гайдуча здобули Бранко Вуксан, котри звалєл 549 кегльох, Бранко Манойлович з 533 и Марко Еракович з 553 звалєнима кеглями, а два поєни Куляни здобули дзеля векшого числа вкупно звалєних кегльох. Кегляри Гайдука тераз пети на табели з 8 бодами, а у насцедующем колє приґосцую водзейшу Войводину з Нового Саду.

Кошаркаре Гайдука ше у 7. коле першенства у Првей Сербскей лїґи здобули вигри. Пред своїма фанушиками кошаркаре Гайдука поразили екипу Срема з Сремскей Митровици з 87:84, и кед на полочасу губели з 54:39. У другей половини кошаркаре Гайдука грали лєпше и на концу успели славиц. З двома виграми и пейцма препорами кошаркаре Гайдука су дванаци на таблїци, а у наступним коле идза гостювати екипи Крис крос у Панчеве.

Ђ.Боянич