Спортови резултати

За нами ище єден богатий спортски викенд, а означела го победа футболистох Черней у дерби Сомборскей подручней лиги. Алє о футболу повец поже, на реду гандбални актуалносци.

Рукометари Црвенки у утакмици 17. кола першенства у Супер Б лиги на гостованю у Кикинди проиграли домашнїм Кикинди з 36:18. Сам резултат найкрасноречивше гвари о вшитким, што ше дїяло на терену – убедливим домашнїм и слабей Црвенки. Интересантне спомнуц же найефикаснши игрок утакмици з 6 голами бул Никола Егич, игрок Кикинди, хтори довго бранїл барви Црвенки. У дружини Црвенки по три голи дали Швельо, Савич и Предович. Рукометари Црвенки десети на таблици з 11 здобутих бодох, а у насампредним колу приямаю Инђию.

Гандбалери Сивца у стричаню 16. кола першолигового першенства на гостованю у Вршацу победзели дружину Младосци з 26:25. Домацини мали предносц аж до 48. минути, кед водзели з 20:19, алє потим шлїдовал ряд Сивчанох 3:0, а здобуту предносц у игре гол за гол вибранїки Бранка Жежеља сохранили и здобули боди. Найефикашнїши у дружини Сивца бул Чабаи, котри дал 10 голи. Сивац 69 теперь водяци на таблици з 24 здобутима бодами, алє треба мац на увазе, же другопоставени Лавови з Бачкей Паланки свой матч того кола з Доловом граю у стреду. У шлїдуюцим колї Сивац 69 пред своїма припаднїками дочекує Херцеговину з Сечня.

Нашу першолигову дружину у женскей конкуренциї, дружину Лаки з Црвенки, у Дебелячи победзел Спартак з 31:23. Найефикашнїши у дружини Лаки були Милана Йовович з 6 и Ана Юхас з 5 голами. Млади црвенски гандбалерки су теперь пети на таблици з 17 бодами, а у шлїдуюцим колї идзу на гостованє к дружини Младосци у Сербску Црню.

Футболисти Оджака з Кули розчаровали своїх приверженцох, бо у утракованю 21. кола првенства у Српскей лиги група Войводина на стадиону Милан Среданович програли Радничкому з Зренянина з 2:1, хоч перши полчас голом Шакича виришели у свою користь. Едноствено, екипа з Зренянина вецей хцела победу и по заслузе ю и здобула. Оджакови тераз девети на табелї з 30 точками, а у наслядуюцим колу идзу на гостованє к Омладинцу до Нових Бановац.            

У 21. колу првенства у Сомборскей окружней лиги Црвенка, котра була друга на таблици, пред своїма глєдачами мала за супернїка водзице дружство Станишича. Иґрачом тренера Милана Вуяковича подали отличну гру и зоз 3:0 победзели лидера. Голє за Црвенку дали Кишюхаш, Йован Суботич и Бабич. Зоз тоту вигру Црвенка увельшела шанси же обезпечи другу позицию и прейдзе до вишого ранґу преко баражу.

    Приємно пренадзовали футбалєри Кули, котри на гостованю у Параґох побидзели дружину Будучносци з 1:0, голом Пєшивца. Осталї нашо подручни лїґаши записали поразу. Русин з Руского Керестура у Бачкей Паланки препал од Крила Країни з 1:0, Липар у Товаришеве од Воєводини препал тиж з 1:0, док Младосц з Крушчича у Сомборе препала од ЖАК-а з 3:1. Црвенка друга на таблї з 44 бодами, Липар осми з 24, Кула єденадцата з 21, Русин штирнадци з 14, а Младосц послїдня, пейцнадца, з 8 бодами. У насамнїм коле на програме обчински дерби: у Липаре буду грац Липар и Црвенка, Кула дочека Воєводину з Товаришева, Русин у Руском Керестуре угосци дружину ЖАК-а з Сомбора, а Младосц у Крушчичу домацинує дружину Будучносци з Параґох.

  У 16. колу першенства у Сомборскей медзиопштинскей лиги перши клас футболери Полета з Сивца у Алєкси Шантичу грали нєрозходно 2:2 з истоимену екипу. Полет други на табли з 34 бодами, а у наступней колу дома прийма Растину.

Футбалєри кулского футбалского клуба КФК у стричаню 13. кола першенства у Сомборскей медзиопштинскей лиги други розряд на гостованю у Сомбору програли од ОФК Металца з 3:1, гоч нєшка повели голом Вуковича. Програш є плод хибох обрани Кулянох, котрих дорого коштали прекиди, з котрих и достали голи. КФК є пети на таблици з 20 бодами, а у шлїдуюцим колї дочекує водяцу Шикару.

Переконливу победу здобули футсалери Хайдука, котри у 17. колу првенства Футсал лиги Войводини пред своїма навиячами победали новосадски Танго з 7:1. Пейц голи за Хайдук забил Роберт Киш, а по раз ше медзи стрельци записали Исаков и Шияцки. Футсалери Хайудка осми на табелї з 21 точку, а у наслядуюцим колу идзу гостєм другопласованому Новому Саду.

Кошаркаре Гайдука ше з победу розлущели зоз своїми прихильниками. У передпослїдним, 25. колу першенства у Першей Србскей лиги кошаркаре Гайдука победзели дружину Срема з Сремскей Митровици з 81:80. Победни кош, фактично у послїднїх секундах, дав Данило Борович. Кошаркаре Гайдука теперь девяти на таблици з 11 победами и 14 поразками, а у послїдним колу першенства идза до гостїв Новей Пазови.

        Наши представнїки у Другей сербскей лиги нє були успешни. У 25. колу першенства кошаркаре Сивца у Зренянине програли од Багляша з 86:84, док кошаркаре Червенки на гостованю у Суботици програли дружини Спартак ОКК з 101:59. Сивац є треци на табели з 20 победами и 5 поражками, покля Червенка є тринадца з 3 победами и 22 поражками. У остатнїм колу першенства Сивац дома приймаю ведучу дружину Стар з Нового Саду, а Червенка дружину Кадета, такоже з Нового Саду.

Ђ.Боянич