Спортови резултати

Гандбалисти Црвенки у другим колу првенства у Супер Б лиги на гостованю у Великей Плани потерпели од Морави з 32:24. Ослабени тим же нє грали найискуснєйши Владе Рачић и Душан Косовић, хтори ма вельки значай за гру у обрани, млада екипа Црвенки грала док мала шили, о чим сведочи и резултат на концу полчасу, кед мали лєм два голи заостатку. Но, у другей части вибраники Радосава Ковачевића остали без шили, што домаци хаснує и на концу записує убедлїве побиду. Найефективнєйши у редох Црвенки бул Савић з 6 голами, а по 5 дали Швељо и Стоканић. З єдну побиду и поразом гандбалисти Црвенки су у стредку табели, а у третей колу првенства дочекаю екипу Єдинства з Нового Бечея.

У другим колу прволиґового рукометного шампионату екипа Лаки з Црвенки на гостованю у Мокрине програла истоименей екипи з 33:24. Рукометарки екипи Лаки барз лєпше нє одграли перши полочас, хтори екипа Мокрина виграла з 20:8, и уж тогди було ясне же ше з гостованя верну поражени. Найефективнєйша у екипи Лаки була Драгана Димитрић, хтора дала 7 голи. У трецим колу прволиґового шампионату екипа Лаки домаци Желя з Жабля.

Продлужени шпортивни викенд ше вечар скончи, кед гандбалери Сивца у другим колу прволигового првенства гостую у Срему у Сремскей Митровици. Сусрет Срем – Сивац 69 вечар почнє ше о 20 годзини и 15 минути, а у третїм колу наступного викенду сивацки гандбалери дочекаю дружину Долова.

У другим колу прволигашкого првенства за женски футболерки сивачкого Полета записали и други реми. Пo премиєрним з Радничким з Ниша на свойом терену, Сивчанки здобули бод и у Шапцу, дзе з Мачвом грали 2:2. Пo тим колу футболерки Полета су шеста на табели з 2 бодом, а у насамаред пред своїма навиячами дочекаю дружину Раднички 1919 з Зренянина.

Осме коло шампионату у Сомборскей окружней лиги обелєжил општински дерби, у хторим на Ґедеру Кула побе́дла Младосц з Крушчица з 1:0. Дерби ришел голом Страхиня Жарић. Гайдук јуниор на стадиону Милан Средановић побе́дл екипу ЖАК-а з Сомбора з 6:3. Централна постава сусрету бул капетан Гайдук јуниора Душан Данойевић, хтори дава два голи, а асистовал при остатнїх шейсцох. Попри Данойевићу два голи дава и Владан Вуйовић, а по гол дава Кулић и Вуймиловић. Црвенка, хтора на табели, на гостованю у Товаришеве з Војводину грала неришено 1:1. Гоч кед на тото гостованє пошла ослабена, без шейсцох игрокох, очековало ше побе́дство Црвенки. При резултату 0:0, младий Фаћол нє хаснує пенал, а на концу першого полочасу єще младши Лука Йововић довел Црвенку до водзеня. Но, у 57. минути домашнї изровнали, а вше напори Црвенчанох за побе́дство були марни, та же записали лєм бод. Бод записали и футболери Липару, хтори на своїм терену з екипу Будучносци з Младенова грали неришено 1:1. Гости повели уж у першй минуте, а на концу сусрету Липар голом Шеґана з пеналу изровнал; пар минут по виривнаню Марчетић мал зицер, з хторим могол принєсц побе́дство своїй екипи, алє нє бул прецизний. И шести наш представител Русин записал реми. Пред своїми фанушами у Руским Крстуре Русин гра́л 1:1 з екипу Будучносци з Параґа. Гол за Русин дава Борис Орос. По осем колох Црвенка друга на табели з 19, Гайдук јуниор третя з 17, Липар седми з 12, Русин девяти з 11, Младосц дванадца, а Кула тринадца з по 7 здобутих бодох. У наслядуюцим колу на програму два општински дерби: у Црвенки буду грац Црвенка и Кула, а у Крушчице Младосц и Русин з Руского Крстура. Гайдук јуниор гостує Будучносци у Параґох, а Липар идзе на гостованє Гарцеговцу до Гайдоброго.

У 5. колу првенства у Сомборскей медзиопштинскей лиги првей класи, футбалери Полета у Сивцу виграли над Алексом Шантићом з 5:1. Полет є треци на табели з 10 бодами, а у наслїдним колу иде на гостованє до Растини.

Кульски футболни клуб КФК у четвертим колу првенства у Сомборскей медзиопштинскей лиги други розряд як домашнє дружтво на Гедеру побидзел ОФК Металац з Сомбора з виском 3:1. Ґоли за КФК дали Браёвич, Федек и Рашкович. КФК моментово други на табели з 7 бодами, а у петим колу иде на гостї до Шикари.

У першім колу Футсал лиги Войводини, Клуб малей копачки Хайдук у Кули победзел дружтво Сомбора з 4:3. Стрелци за Хайдук булї Цеткович, котри забил два голи, а Киш и Шинка. У другим колу першенства футсалери Хайдука идзе на гостї дружтву Мичко тренд до Нового Саду.

У першім колє првенства у Првей сербскей лиги кошаркаре Гайдука на гостованю у Нових Бановцох програли од Омладинца з 91:69. Куляни у першым полочасу були ровноправни, што потвердзює и вислїдок котри по 20 минутох гри глашел 38:37 за домачих, алє у другей часци кошаркаром Гайдука дошла и сила и концентрация, што домачи хасновали и уписали победу. У другім колє првенства кошаркаре Гайдука витую дружину Младост Ветерник з Ветерника.

У першім колу першенства у Другей српскей лиги кошаркаре Сивца победзели дружтво СО кош з 98:73. Убедлїва победа одображує стан на терену. Наш другий представител у тей ступнї змаганя, кошаркаре Црвенки, одограю стречу першого кола против Велкей Кикинди у Кикинди у пяток. У другим колу кошаркаре Сивца идзе на гостї Воєводини до Башайда, док Црвенка у другим колу будзе гостю Багляша у Зренянине.    

Ђ.Боянич