Спортови резултати

У послєднєй футболовей ранґи змаганя футболери КФК виграли службеним резултатом 3:0 Єдинство з Колута. КФК нєшка шести на таблици Медзиопштинскей лиги 2. класа з 24 бодом, а у наступним колу дочека Панонию з Лаличу. У лиги вишей, МФЛ Сомбор 1. класа, футболери Кули на гостованю у Ридзици виграли Граничара з 4:1, а Црвенка на своїм терену виграла Дунав з Бачкого Моноштора з 4:0. Кула нєшка треца на таблици з 26 бодами, а Црвенка друга з 39 бодами. У наступним колу Куляни дочекаю Радничкого з Раткова, а Црвенку чека дерби кола у Станишичу. У Окружней лиги екипа Гайдук Юниор грала нєрешено, 4:4, у Бачком Грачцу з екипом Борца. Други представнїки нашой општини одограли два општински дерби, та Русин на своїм терену виграл Полет з Сивца з 3:0, а Липар виграл Младост з Крушчича з 2:1. Гайдук Юниор нєшка штвари з 41 бодом, Русин место под Гайдуком з 37 бодами, Младост з Крушчича дванадцата з 29 бодами, Липар штирнадцати з 28 бодами, а Полет з Сивца послєднї з 16 бодами. У наступним колу Гайдук Юниор дочека Липар, Младост з Крушчича гра на своїм терену против Младости з Бачкого Петровца, Русин идзе до гостох ОФК Шикари, а Полет у Сивцу дочека Крила Крајини. Футбалерки Полета з Сивца на своїм терену одограли нєрешено з екипом Колибри з Куршумлиї з резултатом 1:1. Футбалерки Полета нєшка пейти з 16 бодами, а у наступним колу идзу до Ягодини.