Спортски прегляд викенда

Початок рукометней весни за клуби з кулскей општини бул нєуспешни, бо вшицки шторо екипи записали поразки.

У першім колє ярнього часу првенства у Супер Б лиги Сивац 69 на своїм терену препущел Инґиї з 34:33, и кедз першe полочас розришел у свою корист з 21:16. Кедз виступели без свойого найбаржейшого гравца и стрельца Марка Чабая, рукометаше Сивца одлично отворели утракмицу и уж у седмей минуте мали плюс шейсц, кед повели з 7:1. Граюци гол за гол, на одпочинок пошли з предносцу пейц голи, котру вшелї вдержац аж до 45. минути, кед резултат бул 27:22 за Сивац. Но, як ше сусрет ближел концу, гравцом Сивца закончовала сила, а упорни гостє то хасновали: у 52. минуте перешли до ведзеня и, на жалосц прихильнїком Сивца, минималну предносц вшелї вдержац до конца и записали цежку победу. Найефективнєйши у дружини Сивца були Жегарац и Милан Шаїн з по 9 голи.

По порази од Инджиї Сивац 69 є осми на табели з 11 бодами.

Наш другий представнїк у Супер Б лиги, рукометаши Црвенки, на гостованю у Лазаревцу програли Колубари зо 27:22, полчас 12:10 за Колубару. До ярного дїла чемпияту Црвенка вступела слабша за трох своїх стандардних першотимцох Перовича, Тасича и Вукадиновича, а адекватни замени нє були доведзени, што бул и знак же ше одступело од борби за найвисшим умесцованьом. На другу руку, Колубара ше бори за збереженє статуса суперлигаша, до стречи вступела з векшим мотивом и на концу заслужено славела. Рукометаши Црвенки држали приклоп до 40. минути, кед Колубара вела зо 17:14, а потим зробела серию 3:0, отишла на предносц шейсцох голох и потим, у грї гол за гол, мирно привела стречу до конца. Тренер Црвенки Милош Митрович наглашує же у Лазаревцу було єдно з найслабших видань його дружини, без доста концентрациї у нападу и чврстини у обрани. Єдноставно, нє було доста играчох у добрей форме, а и векше число одходкох з дружини ше одразело на гру. Найефективнїши у дружини Црвенки бул Саво Бошкович зо 6 постигнутих голох. Пуще програшу у Лазаревцу Црвенка є штварта на табли зо 14 бодами, а у наступним колу дочека дружину Синђелича з Беоґрада.

Нєуспешни були и наши прволигашки у женскей конкуренциї: сивацки Круле и црвенски Лаки.

Круле на своїм терену у Сивцу хосцела екипу Слови з Руми и програла зо 24:23, получас 12:9 за Сивчанки. Вибраници тренера Алйоши Бикицкого у векшей часци мали контролу над утриманьом, водзели з 3-4 гола предносци, у 47. минути водзели 19:16, алє як ше утриманє ближело кон концу, сивацки рукометарки попушцели, цо екипа Слови користи и у 57. минути першираз приходзи до водства од 23:22 и тот гол предносци гостї успели заховац и на концу славя. Найефективнєйша у екипи Круле була Александра Єленкович з 10 постигнутих голох. Наш другий прволигаш у женскей конкуренциї, црвенска екипа Лаки, у Рукометним Крстуре хосцела водећу Руму. Гостї оправдали ролю фаворита и побежели екипу Лаки зо 43:11, получас 24:8. Сам резултат найяснєйше одражує то, цо ше на терену дишло, так же кажди коментар злишни. Найефективнєйша у екипи Лаки була Анжели Ловре з 5 постигнутих голох. По дванадцетим колу Круле є осми на табли з 7, док Лаки є остатнї з 2 здобутих бодох. У насампредшим колу Круле идзе на гостйованє к водећей Руми, а Лаки у Фекетичу одмера сили з Ядраном.

Кошаркаре Гайдука успишно окончили ґрупну фазу змаганя у Першей регионалней лиги Сербиї. У 14. колє на своїм терену победзели екипу Новей Пазови з 74:44. Наперек тому же стреченє нє мало змаганьского значеня, впечатлїла одговорна гра кошаркарох Гайдука, особлїво у оборонї, о чом сведочи и число точкох котри записали гости. Найефективнєйши у екипи Гайдука були капитан Шкрбич и центер Тешович з по 13 точкох.

Пред кошаркарми Гайдука терa нова вызова, такозвани плей-оф.

Минули викенд успешни були одбойкаре Гайдука. У 15. колє првенства у Другей лиги вибраници тренера Милорада Лазича пред своїма навиячами победзели дружину Вест з Шиду з 3:2. Самі су виновни за то, же нє записали победу з максималним резултатом, бо и тоти два сета, котри програли, мали у поєдиних часцох убедлїву предносц. Први сет добила дружина з Шиду з 25:23, други Гайдук з 25:18, треци знова Шидяни з 25:23, штвари Гайдук з 25:21, а у пейтим сете Куляни були доминантнєйши и ришели го у свою корист з 15:11, за конєчну победу з 3:2.

Волейбалїстки Гайдука у 11. колу першенства у Першей войводинскей лиги були гостями Суботки. Домацин славел зо 3:2, по сетох 25:19, 22:25, 25:16, 21:25, а пети сет Суботка добила зо 15:8. Волейбалїстки Гайдука зо 5 здобити бодами предпослїднє на табели, а у наступним колу у Кули дочекаю дружину Гокс ин з Оджацох.

З победу у 16. колє првенства у Першей воєводинскей лиги кугляри Гайдука преузяли ведуче место на таблици. Як домаци у Врбасу кугляри Гайдука победзели дружину Голубинци з 5:3 у поєнох, односно 3206:3129 у звалєних кеглох. Поєни Гайдуку донєсли Марко Еракович з 589, Дарко Милович з 568 и Владимир Тришич з 531 звалєними кеглами, а два поєни дружина Гайдука достала за вецейши число звалєних кеглох укупно. Кугляри Гайдука веду на таблици з 22 бодами, а у насамедшим колє иду на гостї до дружини Бачка у Нови Сад.

Наши фудбалски колективи минули викенд хасновали на то, же би преко контролних утакмицох переверели цо дотераз у приправкох зробели. Србсколигаш Гайдук 1912 як домашнї на Гедеру програл од Текстилца з Оџака з 2:0. Пред «гайдуками» єще єдна провера пред початком ярного чашу: такозвана генерална проба, котру буду мац у суботу против ЧСК-а у Челареву. Футбалери Црвенки, члени Сомборскей окружней лиги, на своїм терену победзели дружтво Кордуна з Кляїчева з 5:0. Голї за Црвенку дали Божичич два, а по єден Милан Суботич, Шакич и Йованович. Генералну пробу пред початком ярней часци шамионату футбалери Црвенки буду мац наступного викенду, кед на своїм терену буду витанїц дружтво Сутєски з Бачкого Добреґо Поля. Окружни лигаш Русин учера у Руским Керестуре у прияцельским одмераваню сил победзел комбиновани состав Гайдука з 3:0. Два голї за Русин дал Янко Кулич, а єден Огнєн Маркович. Футбалери Русина буду мац генералну пробу у нєдзелю, кед у Руским Керестуре буду витанїц дружтво Искри з Куцури. Наш третї окружни лигаш Липар учера на своїм терену победзел дружтво Железничара з Нового Саду з 3:2. Голї за Липар дали Делїч, Живко и Шеган. Генералну пробу пред початком ярного сезону футбалери Липара буду мац у суботу, кед на своїм терену буду витанїц дружтво Будучносци з Савиного Села. Футбалери Полета, члени Сомборскей медзиопштинскей лиги перши клас, учера у прияцельскей утакмици у Сивцу победзели дружтво Дунава з Бачкого Моноштора з 5:0, а у нєдзелю буду гостовац у Кляїчеву и одмерац сили з Кордуном. Футбалери Кули учера у прияцельским сусрету на Гедеру програли од Србобрану з 4:1. Гол за Кулу дал Йованович. Наступну проверу спремносци футбалери Кули буду мац наступного викенду, кед у Гайдобри буду грац против Герцеговца.

Ђ.Боянич