Шпортови прегляд: Турнир у Липару у току, городске дерби у нєдзелю

На традицийним ночним турнире у малим футбалє, хтори ше тейка у Липаре, а хтори ше гра у рамикох обелєжованя селского праздника Велька Госпойина, учера вечар здобути насцедуюци резултати: Кафе бар Арка - Про склад 0:3, Земельодзелска задруга Соколац – Арес ВНД 2:2, Метеор комерц – Сивац 4:3 и Скай бар – Земельодзелска задруга Ново 2:3. Вечар будз на програме сусрети Мали аграр – ПС Сонар, Мали Београд – Автодилови Ферари, Аграр плус – МС комерц и Агро Вишкович – Лимар Мандич. Сусрети ше одограю на терену основней школи Никола Тесла, перши почина о 20 годзини, а припоминайме и то же наградни фонд турнира за Вельку Госпойину у Липаре 180 тисяч динари.

  Ближи ше початок футболского првенства за клуби з кулскей општини. Найвецей клубох, аж шейсц, будзе ше такмичи у Сомборскей подруґовей лиги, а гонка за бодами им зачина 19. августа. Прето пред нами викенд искорисца за генералну пробу. Занимлїво же свою приправеносц провера у медзисобним одмераваню сил, та так у нєдзелю у Руским Крстуре зиграю Русин и нови член подруґовей лиги Црвенка; у Липару силу одмера Липар и Младосц з Крушчича, а у Кули зиграю нови член Подруґовей лиги Кула и Гайдук юниор. Зустрит будзе одограна на стадиону на Ґедеру, а шицки обявени матчи у нєдзелю зачну ше у 18 годзини.

Ђ.Боянич