Спортски мозайк

У 24. колу першенства у Войводинскей лиги ґрупа Бачка футболери Полета з Сивца на гостованю у Пригревици програли домацему Братству з 13:0. Знало ше же екипа Братства фаворит, бо водзи на таблици, алє очековал ше бар достойнєйши опор Сивчанох. Полет є предпослїднї на таблици з 21 бодом, а у шлїдуюцим колу пред своїма навиячами у Сивцу прийма екипу Бачки з Пачира.

Двадесет треце коло першенства у Сомборскей окружней лиги означал дерби одогране у Липару, дзе ше зишли другопласирани Липар и водзеце Полет з Каравукова. Стреча закончела нєрешеним резултатом 0:0, з чим су госи заисто вецей задовольни, бо сохранєли седем бодох предносци у одношеню на Липар. Кула на Гедеру победзела дружину Станишича з 2:1, Русин з Руского Керестура на гостованю у Бачком Брестовцу од БСК-а преграл з 2:1, а Младосц з Крушчича у суседским окршаю у Бачком Грачацу преграла од домашнєй дружини Борца з 4:2. Липар теперь други на таблици з 46. Русин штварти з 43, Младосц шеста з 38, а Кула дванадзета з 24 бодом. У наступней чашци на програму општинске дерби, бо у Руском Керестуре ше зишаду Русин и Кула, Младосц у Крушчичу витує Радничкого з Раткова, а Липар идзе на гостованє найпоследнєйшому Граничару у Гакове.

У 20. колу првенства у Сомборскей медзиопштинскей лиги ведучий Гайдук юниор на гостованю у Бачком Моношторе победзел домашнїх Дунав зоз 6:4. Црвенка пред своїма навиячами здолала Партизан з Купусини зоз 5:1, медз тим же третий наш представитель КФК з Кули на гостованю у Сомборе препал од Металца зоз 3:1. Гайдук юниор перши на табели зоз 50, Црвенка третя зоз 41, а КФК заднї зоз 3 бодами. У следующем колу Гайдук юниор у Кули витакує Динамо з Сонти, КФК домашнїк Єдинству з Колута, медз тим же Црвенка иде на гостованє Єдинству до Рибарева.

Ђ. Боянич