Спортски мозайк

У 16. колу прволигового првенства рукометарки дружтва Лаки пред своїма навиячами у Црвенки програли Темерину з 23:21. Стретнуце було ришене у першом получасу, котри госци виграли з 12:5. Найефективнєйша у дружтве Лаки була Ловре з 7 голами. Црвенчански рукометарки су седьме на табели з 7 бодами, а у насамошнїм колу пойду на гостованє Срему до Сремскей Митровици.

Значну победу отримали млади рукометаши Црвенки, котри у 19. колу друголигашкого першенства на своїм терену победзели Радничкого з Яши Томича з 39:32. У победного дружтва вирозовал ше Славулица з 14 голами. Наш други представитель на тей уровнї змаганя, Сивац 69, на гостованю у Новей Пазови преграл од тамошнього дружтва з 43:29. Сивац 69 моментално штварти на таблици з 25, а друга дружтва Црвенки тринацата з 11 бодами. У насцедуюцим колу Сивац 69 дочека дружтво Беочина, а друга дружтва Црвенки идзе гостовац до Кляїчева.

Футбалерки Полета з Сивца нас потишели, бо у 10. колу првенства у Првей лиги на гостованю у Петроварадину победзели домацого Фрушкогорца з 7:1. Сивацки футболерки шицас шеста на табели з 13 бодами, а у насцедуюцим колу дочекаю Ягодину.

На розлику од футболисток, футболисти Полета програли. У 20. колу первенства у Войводинскей лиги ґрупа Бачка футболисти Полета на гостованю у Чонопли програли домацей Слоги з 6:2. Полет чотирнасти на таблїци з 18 бодами, а у наступним колу пред своїма вболовачами у Сивцу витує ОФК Младосц АПА з Апатину.

У 20. колу првенства у Сомборскей подручней лиги найубедлївейши були футболєри Младосци з Крушчица, котри на своїм терену победзели екипу Кордуна з Кляїчева з 5:0. Сусрет означел нападач Младосци Радојица Йованович, котри постигнул шицких пец голи. Липар на своїм терену победзел ОФК Шикару з 3:1, док ше остатнї два наши представнїки розишли з нєришеним резултатом. Кула на гостованю у Гакову з Граничаром грала нєришено 1:1, а Русин з Руского Керестура на гостованю у Свилойову з Тереквешом тиж гра л нєришено 1:1. Липар други з 42 бодом, Русин треци з 39, Младосц пета з 35, док Кула тринайца з 18 бодами. У насцедуюцим колу Липар дочека Тереквеш зо Свилойова, Кула домакин Гайдуку з Стапара, Русин иде на гостованє Омладинцу до Буковца, док Младосц у Бачким Брестовцу змира сили з БСК-ом.

У 16. коле првенства у Сомборскей медзиопштинскей лиги водзеци Гайдук јуниор стрешенє зоз Єдинством з Колута виграл службеним резултатом 3:0, бо гости нє пришли на утакмицу. Црвенка на гостованю у Растини зоз домацином Растином грала нєришено 2:2, док КФК на гостованю у Купусини програл Партизану з 2:0. Гайдук јуниор перши на табели з 44, Црвенка штвера з 34, док КФК дванадцяти з 3 бодами. У насамшим коле на програму општински дерби, бо у Црвенки стрешну ше Црвенка и Гайдук јуниор, док КФК у Кули прийма Єдинство з Рибарева.

Кошаркаре Гайдука у 24. колу первенства у Првей србскей лиги пред своїма вболовачами победели дружину Крис крос з Панчева з 70:68. Куляни вимучели победу у остатнїх секундах, хотя до остатней часци утримали 19 бодов предносци. Други наш представител, кошаркаре Црвенки на гостованю у Старей Пазови програли Старей Пазови з 90:75. Кошаркаре Гайдука девети на таблїци з резултатом 11 победи и 13 порази, док Црвенка тринаеста з двома победами и 22 поразами. У наступним колу кошаркаре Гайдука витую Стару Пазову, а Црвенка будзе гостем Радничкого у Ковину.

У 24. колу першенства у Другей србскей лиги кошаркаре Сивца на гостованю у Житишту програли Караджорджеву з Банатского Караджорджева з 90:81. Сивацки кошаркаре моментално десети на табели з 8 виграшох и 16 поразкох, а у наступним колу дочекую дружтво Феникс з Бачкей Паланки.

Ђ. Боянич