Спортски мозайк

Рукометари Црвенки победнїки 17. мемориялного турнира „Слободан Чиле Мишкович“, котри традицийно орґанизує ше на спомин югославскей и црвенчанскей рукометней легенди. Учаснїки тогорочного турнира були Пролетер зоз Зренянина, член Супер Б лиги, и прволигаши Кикинда, Врбас и домацин Црвенка. Први дзень турнира Пролетер победзел дружину Врбаса зоз 31:23, потим одгран змаганє ветеранoх Црвенки, котрих предводзели правдиви легенди Холперт, Боянич, Радонич и други, проти Сенти. Ветерани Црвенки победзели зоз 16:14, а потим у другим турнирским змаганю Црвенка победзела Кикинду зоз 28:27. Завершного дня турнира у борби за третє место Кикинда победзела дружину Врбаса зоз 35:33, аж по виконаню седмеркох, бо змаганє у регуларним ходе закончело ше неришено 31:31, а у финалним змаганю рукометари Црвенки победзели дружину Пролетера зоз 26:21 и так стали победнїками того престижного турнира. Капитану Црвенки Огнєну Радоничу победницьки пехар и вельки прелазни пехар, дар Рукометного союзу Войводини, предал бивши гравец Црвенки и репрезентант, а терка тренер Пролетера Момир Рнич. Додайме и то же за найлєпшого штреднєго бека, а то позиция на котрей грала легендарни Чиле, проглашени капитан Црвенки Огнєн Радонич.

У 5. колє првенства у Сомборскей окружней лиги, у општиновим дербию одограним у Сивцу, Гайдук юниор перемогол екипу Полета з 2:0, и так записал пету послїдовну победу. Ґоли за Гайдук юниор забили Данойевич и Перович, а стрета ше запамета и по тим же аж троє гравцох Полета було вилучених, и то вшитки хтори приговарали судийови. Младосц у Крушчичу з 2:0 перемогла екипу Стари град з Бачкей Паланки, а першу победу осягли футболисти Русина, котри у Руского Крстура перемогли екипу Борца з Бачкого Грачаца з 5:2. Розчаровали футболисти Липара, котри пред своїма фанушиками програли Герговацу з Гайдобри з 1:0. По тим колє Гайдук юниор дзели перше место на таблїци з 15 бодами, Липар є седми, а Младосц осма з 7, Русин є дванацати з 4, а Полет штернацати з 3 здобутима бодами. У наступацим колє Гайдук юниор дочека екипу ЖАК-а з Сомбора, Полет будзе у Сивцу хосцовац Шикару, Липар идзе на гостованє екипи Стари град до Бачкей Паланки, Русин гостує Будучносци у Младенову, а Младосц з Крушчича идзе до Свилоєва на мегдан Тереквешу.

У 4. коле першенства у Сомборскей медзиопштинскей лиги першого класа Црвенка пред своїми глєдачами победзела екипу Омладинца з Дероня з 1:0, голом Николы Лазича, а треба повесц и то же гостї у послєднїх моментах стречи мали можлївосц зровнац, алє давнєйши првотимец Гайдука и новосадскей Войводини Милан Давидов промахнул пенал. Кула на Гедеру з екипом Алекса Шантича играла нерозришено 3:3. Стрелци за Кулу були Букеилович и Радулович, хтори забил два голи. Футболери Црвенки у тим часе су на другим месце на табли з 9, а Кула є штварта з осем бодами. У насампредуюцей коле Кула иде на гостованє к Гайдуку до Стапара, а Црвенка гостує у Омладинца у Буковцу.

У 4. колу првенства у Сомборскей медзиобецней лиги други розряд Кулски футболски клуб КФК як домацин у Кули преграл од ведучого Партизана з Купусини зоз 3:0. КФК осми на таблици зоз 5 бодами, а у наступним колу иде на гостованє до Єдинства у Рибареву.

Ђ. Боянич