Спортски вишнї

Гандбалисти «Црвенки» у 7. колє першенства у Супер Б лиги на своїм терену препали од «Шамота» з Аранджеловца з вислїдком 25:24, полочас 13:13. Црвенчани мали шанцу виграшиц, бо при нєришеном вислїдку 24:24, мали коло трицец секунди на напад. Но, у нападу похибел найискуснєйши Владо Рачич, практично отвераюци контру гостём, котри тот подарок хасновали и буквальнє у послїднєй секунди дали гол за виграш. «Црвенка» шицки час осма на табли з 6 бодами, а у наступним колє идзе на гостованє до «Обилича» у Беоґраде.

У 8. колу друголигашкого першенства гандболисти Сивца, як домаци, у дербию победзели Младосц з Вршца з резултатом 35:24. Наефективнєйши у редох Сивца бул Калич з 10 голами. Друга екипа Черенки на гостованю у Сримскей Митровици програла Сриму, котри водзи на таблици, з резултатом 40:25. Наефективнєйши медзи младима Черенчанами бул Саво Славулица з 11 постигнутих голох. Сивац 69 є тераз штварти на таблици з 12 бодами, а друга екипа Черенки є дзесята з 6 бодами. У наступним колу на програму є општинске дерби, бо у Черенки ше стретну друга екипа Черенки и Сивац 69.

Футбалери Полета з Сивца у 12. коле першенства у Войводянскей лиги ґрупа Бачка на гостованю у Суботици програли од Суботици з 3:0. Сивчани су штирнацти на табели з 8 бодами, а у насамредним коле дома приймаю дружство Врбаса.

Наши представнїки були успишни у Сомборскей околїшней лиги. Русин у Руским Керестуре побидзел ОФК Шикару з вислїдком 1:0, Младосц у Крушчичу побидзела Омладинца з Дероньох з вислїдком 2:1, Липар як гощ побидзел Станишич з вислїдком 2:1, а Кула у Бачким Брестовцу з БСК-ом грала нєрозходовано, 2:2. Русин є други на таблици з 26 бодами, Липар треци з 25, Младосц шеста з 22, а Кула чторнаста з 9 бодами. У насамшей колї на програму општински дерби. У Липару ше стретаю Липар и Русин, Кула дочекує Тереквеш з Свилоєва, а Младосц идзе на гостї до водзецого Полета у Каравукову.

У 10. колє першенства у Сомборскей међуопштинскей лиги застановена серия виграшох «Гайдук юниора». Млади Куляни у Растини з тамошнїм дружтвом грали нєришено 2:2. «Црвенка» на своїм терену виграла «Металац» з Сомбора з вислїдком 3:0, док Кульски футбалови клуб КФК як гост програл од «Телечки» з вислїдком 3:0. «Гайдук юниор» перши на табели з 28 бодами, «Црвенка» є треца з 20, а КФК є дванадцяти з 3 бодом. У наступним колє КФК прийма «Дунав» з Бачкого Моноштора, «Црвенка» идзе на гостованє до «Єдинства» у Колут, док «Гайдук юниор» є волни.

Клуб малого футболу Гайдук у 5. коле першенства у Другей футсал лиги як домацин победзел дружство Танго з Нового Саду з 3:1. Гайдук моментално є штварти на табели з 8 бодами, а у насамредним коле идзе на гостованє к послїднєпоставеному Викингу до Руми.

Ђ. Боянич