Спортски вишнї

Футбалери Полета з Сивца у другим колу првенства у Войводянскей лиги ґрупа Бачка на гостйованю у Оджацох препали домашнїм Текстилцу з 2:1. У средини першого полчасу хаснованя двох жовтих картох вилучени гралєр Полета Вукашинович, што домашнї хасновали и повели, а з 1:0 ше пошло на одпочивок. На початку другого полчасу Полет голом Влади Добрийовича з пенала вирівнал, ма ще пар добрих можлївосцох, котри нє використал, а кара пришла у 91. минуту, кед домашнїки забили победни гол. Полет з двома препорами при дне таблици, а у шлїдуюцим колу приявя екипу Таванкута.

Друге коло Сомборскей обласней лиги означел општински дерби, одограни у Липару, у котрим Липар победзел Кулу з 3:0. Домацини здобули вельку предносц у першім полчасу, кед з голами Крзнара, Станисавлевича и Жарича повели 3:0, а у другім полчасу з рутиновану игру заховали предносц и здобули бодох. Младосц у Крушчичу победзела Станишича з 1:0, а Русин з Русского Керестура на гостйованю у Стапару з Гайдуком грали нєрєшено 2:2. По двох колох Младосц ма шейсц бодох, Липар три, Русин єден, а Кула без бодох. У шлїдуюцим колу нове општинске дерби: у Руским Керестуре ше зийду Русин и Младосц з Крушчича, Кула приявя Омладинца з Дероня, а Липар идзе на гостйованє к Борцу до Бачкого Грачца.

Вечар у Липаре закончиц ше традицийни ночни турнир у малим футболу, котри ше гра у рамикох обелєжованя селского празнїка Великей Госпоїни. У финалу ше стретаю дружини Агровишкович з Црвенки и Кула, а у стречаню за треце место сили одмеря Врбас и Агропромет з Баймоку. Стречанє за треце место зачина ше о 20 годзини и 30 минутох, а по нїм одогра ше финални окршац.

Ђ. Боянич