Спортски вишнї

Победнїк трецого мемориялного турнира петлїчох „Йосип Молнар Жига“, котри у орґанизациї Футбалского клуба „Гайдук Юниор“ одржани учора у Кули, Футбалски клуб Червенка. Мали Червенчани у финалним стречу победзели ровнїкох зоз оџацкого Текстилца зоз 2:0. Треце место припадло дружтву ЦеЕфКа з Врбаса, котре победзело петлїчох Гайдук Юниора зоз 3:1, а окрем тих штирох дружтвох на турниру участвовали и петлїчи Спартака зоз Суботици и Србобрана. Треба повесц, же турнир одлично орґанизовани, же го отворел легендарни храч Гайдука Желко Рачич, же отворенє увеличел фолклорни ансамбл Културно-уметнїцкого дружтва Србиja, и же награди найуспешнєйшима подзелєли некогдашнї асови Гайдука Желко Рачич, Ристо Павич и Ранко Делич, док пехар за победнїка капитану Червенки вручел заслужени футбалски роботнїк Радоман Васович. Ґенерални покровитель трецого мемориялу „Жиги“ була Општинска управа Скупштини општини Кула.

У заднїм колу першенства у Войводянскей лиги ґрупа Бачка футболисти Полета з Сивца на гостованю у Сомборе проиграли од домашнього ЖАК-а з 3:1. Сивчане закончили сезону на децетим месце на таблици зоз здобутих 36 бодами.

Двайцет девете коло першенства у Сомборскей подручней лиги обелєжал општински дерби, одграни у Крушчићу, у котрим Русин з Рускего Крстура победзел домашню Младосц з 5:3. Вредни виграш здобули футболисти Кули, котри на гостованю у Стапаре победзели Гайдука з 3:2 и так заховали можлївосци, же з виграшом у заднїм колу заховаю статус подручного лигаша. Четверти наш представител Липар победу розлуцил зоз своїма фанушиками, побиваюци Граничара з Гакова з 4:1. Липар пети на таблици з 43, Русин шести з 42, Младосц седма з 39, кедз Кула пятнаста зоз здобутих 33 бодами. У заднїм колу Кула на Гедеру у општинским дербию прийма Младосц з Крушчића, Русин у Рускім Крстуре домацин Дунаву з Бачкого Моноштора, а Липар гласка Омладинцови до Деронє.

Закончело ше друголїґове рукометне првенство. Сивац 69 у последнїм коле пред своїма фанушами побидзел екипу Радничкого з Ковина з 36:25. Осебно натхнути у утриманю без векшого змагачского значеня бул Марко Чабаи, хтори постиґнул 11 голї. Друга екипа Црвенки на своїм терену програла од Гайдука з Чуруга з 30:27, а причини за поразу треба глєдац и у тим же у екипи Црвенки нє було брацох Сунајкових, Почучи ище нєколїко стандардних першотимцох. Сивац 69 закончил сезону на шесцим мести з 25 бодами, док друга екипа Црвенки є десета з 21 здобитим бодом.

Ђ. Боянич