Спортски вишнї

Гандбалїсти Црвенки у остатнїм колу чемпионату Супер Б лїги пред своїма навиячами победзели Слогу з Пожеги з 23:21 и так застергли статус суперлїгаша. Наперек того же були оптерени императивом победи, млади гандбалїсти Црвенки цали час контроловали и гру и вислїдок и на концу заслужено славели. Найефективнєйши у редох Црвенки бул млади кадетски репрезентант Милан Потпара з 9 голями. Црвенка закончела сезону на седмим месце на табли з 23 здобутих бодох.

У 25. коле першенства у Другей рукометней лиги Сивац 69 на гостованю у Сремскей Митровици програл домацему Срему з 42:27, полчас 20:11. Други наш представител на тей уровни змаганя Црвенка 2 будзе у штварок гостиц у Ковине, дзе ше змери з Радничким.

Футболери Полета з Сивца у претпослїднїм колу чемпионату у Войводянскей лиги ґрупа Бачка пред своїма фанушами победзели Бачку з Пачира з 2:1, и так зоз пейцу узашедну победу розлуцели ше зоз своїма пристальниками до наступней сезони. Голи за Полет дали Суботич и Стефан Комазец. Полет тераз девети на таблїци з 36 бодами, а у послїднїм колу чемпионату гостує у Сомбору, дзе ше стрета з ЖАК-ом.

У предзадньом коле першенства у Сомборскей подручною лиги шицки штири екипи з кулскей општини були успешни. Найперекончивша була Кула, хтора на Гедеру победзела Кордун з Кляїчева з 6:1. Русин у Руского Крстура победзела екипу Гайдука з Стапара з 2:0. Приємно здумали футболєри Липара, хтори як хосци победзели Полет у Каравукову з 2:1, медзим тим штварти наш представител Младосц з Крушчича на гостованю у Буковцу з Омладинцом грала нєриешено 1:1. Липар є тераз пети на таблици з 40, Младосц шеста, а Русин осми, каждни з 39, медзим тим Кула є пияцнаста з 30 бодами. У задньом коле, у општинским дерби у Крушчичу, зийду ше Младосц и Русин з Руского Крстура, Липар будзе госциц екипу Граничара з Ґакова, а Кула идзе на гостованє до Гайдука у Стапар.

Ђ. Боянич