Спортски вишнї

Рукометаши Црвенки у седмим колу першолигового чемпионату пред своїма прихильниками виграли тим Младосци з Вршца з 24:14. У тим стречу видзели ше два лицa рукометашох Црвенки. У першым полочасу нєборбено, нєамбициозно, што госци вишорисцели и ту часц гришки ришели на свою корист з 9:8. У другей часци Црвенчани грали значно лєпше, твердзей у оборони и ефикацнєй у нападу, у тим периоду за 30 минути достали лєм 5 голи и успих нє могол хибиц. Найефикацнєйши у тиму Црвенки бул Радонич з 8 голами. Наш другий представнїк Сивац 69 як домашнї у Црвенки програл водеcej Кикинди з 31:22. Хоц госци були фаворити, од Сивчаньох ше чекала твердзейша гришка у оборони, што хибело, а кед до того додземе и прельвельке число техничних хибох, то то висвицлює убедлїву поразу. Найефикацнєйши у редох Сивца бул Бошкович з 11 голами. По тим колу Црвенка є друга на табели з 12, а Сивац 69 є седми з 5 бодами. У наступним колу Сивац 69 прияма Ядинство з Нового Бечею, а Црвенка пойдзе на гостї до Герцеґовини до Сечня.

У 13. колу першенства у Подручней лиги, у општинским дербию одограном у Руского Крстура, домаци Русин победзел Липар з 2:1. Голї за Русин дали Орос и Джуканович, а за Липар Карин з пенала. У дербию кола у Бачким Петровцу ведуца Младосц победзела Гайдук юниор з 2:1, Младосц з Крушчичу на гостйованю у Бачкей Паланки програла Крилом Країни з 2:0, док ґурґуровски Полет на гостйованю у Сомбору програл ЖАК-у з 6:0. Гайдук юниор и дальше треци на таблици з 24 бодами, Русин пети з 21, Младосц девета з 18, Липар єденадцати з 17, а Полет петнацати з 8 здобутих бодох. У наступним колу Гайдук юниор хосцує Герцеговца з Гайдобри, Младосц у Крушчичу хосцує Славию з Пивнїцох, Липар хосцує Крила Країни з Бачкей Паланки, Полет будзе у Сивцу домацином БСК-у з Бачкого Брестовца, а Русин з Руского Крстура иде на гостйованє до ведуцей Младосци у Бачким Петровцу.

Закончена є осенска часц першенства у Сомборскей медзиопштинскей лиги перши клас. У остатнїм колє Црвенка на своїм терену победзела Кордун з Кляяїчева з 8:0, а Кула на гостованю у Станишичу програла домацему Станишичу з 2:0. Црвенка закончела осень на другим месце у таблици з 27, а Кула на штвартим з 19 бодами.

У остатнїм колє подзимней части змаганя у Сомборскей медзиопштинскей лиги други розред кулски футболски клуб КФК пред своїма фанушами з 10:0 победзел последнєпласирану Телечку. КФК окончил подзимню часц змаганя на пейтим месце на таблици з 15 бодами.

У петим колу чемпионату у Другей футсал лиги ґрупа Войводина Клуб малего фудбалу Гайдук на гостёваню у Новим Садзе програл Интернационалу з 7:4. Клуб малего фудбалу Гайдук є осми на табели з два здобутима бодами, а у наступним колу прияме тим АПА футсал з Апатину.

У шестим колу првенства у Првой сербскей лиги обидва дружтва з кулскей общини були поражени. Баскетбалери Хайдука у Врбасу програли домашнєму дружтву Врбас з 98:72, а баскетбалери Црвенки пред своїма фанушиками програли Радничкому з Ковина з 91:87. Хайдук теперь седми на табели з резултатом три победо и три поразки, а баскетбалери Црвенки тринадцяти з єдну победу и пейцома поразками. У наступацу колу баскетбалери Хайдука витую дружтво Дунав 024 з Апатина, а Црвенка идзе на гостї до Єдинства у Новим Бечею.

Кошаркарє Сивца у шейсцим колу першенства у Другей српскей лиги на гостованю у Оџацох препущели домашнїм Оџаком з 71:56. Сусрет домашнї розломели у трецей четвертини, котру виграли з 18:7. Кошаркарє Сивца су девети на табели з єдну победу и штирма поразами, а у насцедуюцим колу витую екипу Карађорђева з Банатского Карађорђева.

Кегляри Хайдука у десетим колу првенства у Првой войводянскей лиги пред своїма фанушиками победели Войводину з Бачкого Градишта з 6:2 у поєнох, односно 3149:3040 у збитих кегльох. Найвреднєйши резултат у дружтве Хайдука здобул Велимир Йокович, котри збил 573 кеглї. Кегляри Хайдука су треци на табели з 15 бодами, а у наступацу колу идза на гостї до Спартака у Дебелячу.

У Кули вчора, у орґанизациї Србскей карате униї, одограни осемнацати по раци Куп Войводини у карате. На тим змаганю, на котрим участвовало коло 220 змаганярох з чтирнацец войводянских клубох, вельми добри резултати достигли члени Карате клуба Мастер Те енд Ем з Кули, котри бул и технїчним орґанизатором змаганя. Члени Мастер Те енд Ем здобули вкупно дзесяц медалї, и то шест золотих, єден срєберни и три бронзови. Золотима медалями ше украсели младша пионирка Теодора Сабо, потом младша пионирка першого уровню Саша Потпара, старша пионирка Нора Есе, старши пионир Никола Вєштица и нада Мая Радулица – вецки у кати, як и Александар Вєштица у бою у категориї понад 42 кила. Срєберне одличиє здобула младша пионирка Лана Олабина у кати, а бронзови медалї припадли младшому пионирови Николи Пейовичови, старшому пионирови Вуку Райчевичови и наде Марияни Пейович, вецки у кати. Тренер здобитошох медальох Милорад Тривич виказує же тельо здобитих медальох потвердзенє же його змаганяре були вельми добри припремени на тот виступ.

Спомнїме и то же Карате клуб Мастер Те енд Ем достал вецки комплименти за успишну организацию Купа Войводини, зоз помоцов и Општини Кула.