Спортски вишнї

У општинским дербию 10. кола првенства у Сомборскей медзиопштинскей лиги першого разреду футболери Црвенки вчора на Гедеру победзели Кулу зоз 4:1. Црвенчани були лепши у вшицких елементох гри и голами найискуснєйшого Кишюхаса и наймолодшого Йововича, котри були двойни стрелци, заслужено однєсли бодзи з Гедера. Гол за Кулу дал Войнович з пенала. Црвенка по тим колу друга на табели з 24, а Кула штайта з 19 бодами. У насамедшим колу Црвенка прияма Кордуна з Кляїчева, а Кула идзе гостиц к предньому Станишичу.

Червенчаньох, котри любя спорт, потїшели гандбалери и баскетболисти. Вшелї вони уписали победи. Гандбалери Црвенки у 6. колу прволигового првенства на гостованю у Ябуки победзели Ябуку з 21:17, полчас 10:8. Червенчане блисково грали в оборони, а в нападзе ше видзели найефективнєйши капетан Радонич з 9 и Ивич з 7 голами. Наш другий представитель Сивац 69 на гостованю у Банатским Карловце препадол од домашнїх, Банатского Карловца, з 41:32. Так велїке число постигнутих голох указує же оборони нє екзистовали. Найефективнєйши у рядах Сивца бул Калич з 8 голами. По тим колу Црвенка друга на табели з 10, а Сивац 69 є седми з 5 бодами. У наступним колу Сивац 69 витує ведучу Кикинду, а Црвенка є домашнїм за вршацку Младосцу.

У 12. колу першенства у Сомборскей окружней лиги општински дерби одограно у Крушчичу, а у нїм футболєри Молодосци и Русина з Руского Крстура розишли ше з нєришеним резултатом 0:0. Розчаровали футболєри Гайдук юниора, котри пред своїми фанушами програли Будучносци з Младенова з 3:2, так само як и футболєри Липара, котри на своїм терену були поражени од ведущей Молодосци з Бачкого Петровца з 4:1. У тим колу честь спасли футболєри сивацкого Полета, котри на своїм терену победзели Славию з Пивниц з 3:2. Гайдук юниор є трецим на табели з 24, Русин пети з 19, Молодосц шеста з 18, Липар дзесяти з 17, а Полет пятнасти з 8 бодами. У наступним колу општински дерби будзе одограни у Руского Крстура, дзе ше зостану Русин и Липар. Гайдук юниор идзе на гостованє к ведущей Молодосци у Бачки Петровац, сивацки Полет гостує у ЖАК-а у Сомбору, а Молодосц з Крушчича идзе на гостованє к екипи Крила Країни у Бачку Паланку.

У 10. колє превенства у Сомборскей медзиопштинскей лиги други розряд кулски футболни клуб КФК на гостованю у Сонти програл Динаму зоз 6:1. КФК находзи ше на осмим мести на табели з 12 бодами, а у наступним колє дочекує Телечку.

У четвертим колу првенства у Другей футсал лиги ґрупа Войводина Клуб малей копачки Гайдук як домашнї на Руским Крстуре играл нєришено з Србобраном – резултат 3:3. Футсалери Гайдука су моментално осми на табели з 2 бодзи, а у наступним колу идза на гостованє до Интернационалу у Новим Садзе.

Пете коло првенства у Першей сербскей лїги за кошаркарох було успишне за обидва представнїки зоз кулскей општини. Кошаркари Гайдука пред своїма навиячами у реновированей сали основней школи Петефи бриґада победзели екипу Словена з Руми з 75:68. Кошаркари Гайдука цали час контроловали и гру и резултат и заслужено славели. Кошаркари Црвенки пред своїма навиячами победзели екипу Крис крос з Панчева з 89:79. На полочасу резултат бул виривнани, а Црвенчани преобернули шоречанє у третей четвертини, котру виграли з 26:16. Пo тим колу кошаркари Гайдука пети на таблици зоз три победи и двома поражками, док кошаркари Црвенки з єдну победу и штирма поражками єденацети на таблици. У наступуюцим колу кошаркари Црвенки дочекую Радничкого з Ковина, а кошаркари Гайдука идза на гостованє к шоровим до Врбаса.

У 5. колу первенства у Другей сербскей лїґи баскетболисти зоз Сивца на гостованю у Руменки проиграли новосадскей Слободзе з 105:88. Сивчани зоз єдну победу и трома поразами дванадцети на табели, а у насамотним колу гостую у Оджакох.

Кугляри Гайдука у 9. колу першенства у Првей войводянскей лиги на гостованю у Бачком Градишту победзели екипу ТСК з Темерина з 5:3 поєнами, односно 3134:2955 у збици звалєних кегльох. Найвреднєйши резултат у редох Гайдука постигнул Атилa Балог, котри звалєл 558 кегльох. Кугляри Гайдука су тераз штварти на табели з 13 бодами, а у наступним колу чекаю Войводину з Бачкого Градишта.

Ђ. Боянич