Спортски вишнї

Гандбалєри Црвенки у 14. коле першенства у Супер Б лиги на гостованю у Зубином Потоку програли од Мокрей Гори з 30:28. Домашнї лєпше одкрили утриманє и першу часц гри ришели у свою корист з 17:10. У другей часци гандбалєри Црвенки грали лєпше, алє нє мали сили на преобрат, та були поражени. Найефективнєйши у редох Црвенки бул Потпара з 8 голами. По тим коле Црвенка є седма на табели з 13 бодами и утриманєм менєй, а у наступуюцим коле прийма ведуце Динамо з Панчева.

Ценну вигру здобули гандбалистки екипи Лаки у 13. коле шампионату у Першей лиги. Екипа Лаки пред своїма навиячами у Црвенки виграла од екипи Петроварадина зоз 31:26, по полчасе 13:9. Найефективнєйша у екипи Лаки була капетанка Ловре зоз 12 голами. Гандбалистки Лаки су моментално девяти на таблици зоз 7 бодами, а у наступуюцим коле су вольни.

У 16. колє друголїгашкого рукометного шамионату Сивац 69 як домацин у Црвенки побежел дружину Потисє Плетекс з Ади зо 33:30, полчас 18:17. Сивчани цали час контроловали и гру и резултат и заслужено славели. Ефикацносцу вирозовали ше Калич з 12, Бошкович з 8 и Фуртула з 7 голами. Друга дружина Црвенки як домацин програла од Младосци з Вршаца зо 31:27, полчас 13:13. Проста, пресудзела искуство гостуюцей дружини. По тим колє Сивац 69 є пети на табели зо 21, а друга дружина Црвенки є остатня зо 8 бодами. У наступним колє друга дружина Црвенки дочека Раднички 1958 з Шиду, а Сивац 69 иде на гостованє до Гайдука у Чуруг.

Футбалерки сивачкого Полета у першім колє пролеци шамионату у Првей лїґи на гостованю у Нишу з дружином Колибри з Куршумлиї грали неришено 3:3. Сивчанки моментално су штверти на табели зо 11 бодами, а у наступним колє на свойом терену дочекаю дружину Триюмф з Краґуєвца.

На розлику од футболисткох, футболери Полета розчаровали, бо пред своїма глєдачами у стречаню зоз найпоследнїшим Текстилцом з Оджакох програли з 3:1, гоч перши полчас виришели у свою корист з 1:0. У другей часци Полет ше нє могол препознац, цо гостє використали и заслужено славели. По тим колє Полет тринадцати з 15 бодами, а у насамошнїм идзе на гостйованє Таванкута.

Седемнацате коло шампионату у Сомборскей околицней лиги означел општински дерби. У Кули, на Гедеру, Кула и Липар роздїлили боди, граючи нерешено 1:1. Зда ше, же то и найреалнєйши резултат. Гол за Кулу постигол Пєшивац, а за Липар Басарич. Русин у Руским Крстуре виграл од Гайдука из Стапара зоз 3:1, док Младосц з Крушчича на гостованю у Станишичу виграла од домашнїх зоз 3:2. Липар є други, а Русин треци, зоз по 35 бодами, Младосц є шеста зоз 29, а Кула тринаеста зоз здобутима 17 бодами. У наступуюцим коле на програму нови општински дерби. У Крушчичу ше стрекну Младосц и Русин з Русского Крстура. Липар будзе пригощиц екипу Борца з Бачкого Грачаца, док Кула будзе гостем Омладинца у Деронях.

У першім колє пролецицей часци першенства у Сомборскей медзиопштинскей лиги водзаци Гайдук Юниор на гостйованю у Рибареву побидзел Єдинство з 1:0, Црвенка пред своїма глєдачами побидзела Дунав з Бачкого Моноштора з 4:0, док медзи третима наш представитель Кульски футболови клуб КФК як домацин проиграл Растини з 2:0. Гайдук Юниор перши на табели з 37, Црвенка треца з 29, а КФК последнї з три боди. У насамошнїм колє општински дерби: у Кули стретаю ше Гайдук Юниор и КФК, док Црвенка идзе на гостйованє Динаму до Сонти.

У 11. коле првенства у Другей футсал лиги Клуб малей копанки Гайдук пред своїма прихильниками перемагнул екипу Србобрана з 4:3. Гайдук нєшка пети на табели з 15 бодами, а у насамочним коле ґдзе до гостий последнєпоставеней Кикинди.

Кошаркаре Гайдука у 21. колє првенства у Првей србийскей лиги на гостованю у Инђиї програли Желєзничару зоз 92:74, хоч до послїдней штвартри вишли з предносцу од шицедум бодох. Но, у штвартей часци примели 32, а дали лєм 7 боди, та зоз терену одошли зоз главами долу. Друга наша команда, кошаркаре Црвенки, пред своїми навиячами програли Академику зоз Србобрану зоз 107:71. Гайдук є дзесяти на таблици зоз скором 10 вигри и 11 програшох, кедз Црвенка последня зоз єдним виграшом и 20 програшох. У насампредшим колє кошаркаре Гайдука витую Ядинство з Нового Бечея, а Црвенка идзе гостовац Тополу до Бачкей Тополи.

У 21. коле першенства у Другей сербскей лиги кошаркаши Сивца як домачни у Кули преграли од водзацей екипи Младосц Ветерник з 114:85. Сивчани су єденадцати на табели з 7 победами и 14 преграми, а у будуцим коле идза на гостйованє до Багляша у Зренянине.

Куглари Гайдука у 16. коле першенства у Првей лиги Сербиї, ґрупа Войводина, на гостйованю у Ковачици преграли од Славиї з 6:2 у поєнох, односно 3184:3152 у оборених кегльох. Поєни за Гайдук здобули куглари Милан Лекович з 531 и Драган Джорджевич з 527 оборених кегльох. Куглари Гайдука су девяти на табели з 10 бодами, а у будуцим коле прихащую водзачи Банат з Зренянина.

Ђ. Боянич