Спортова панорама: Црвенчани витую Пролетер, футсалери на домашнїм терену

Рукомет и тот викенд будзе у штредку уваги любительох спорта у кулскей општини.

Ручкометари Црвенки у 10. колу першенства у Супер Б лиги пред своїма глядачами приймаю Пролетера з Зренянина. Змаганє медзи колишнїма ручкометнима гордосцами у бившej Югославиї будзе занимлїве, бо Пролетер други на таблици, а Црвенка є немилосердна пред своїма прихильниками, та вибраници Радосава Ковачевића веря, же зоз подшорку з трибун вони буду тоти, котри ше буду радовац. Змаганє ручкометарох Црвенки и Пролетера з Зренянина будзе завтра одогране у гали Слободан Чиле Мишковић, а зачне ше о 18 годзини.

    У 11. колу прволигашкого рукометного першенства Сивац 69 дочека екипу Апатина. Сивчани су розчаровали у минулому колу, кед були поражени у Ябуки, та им ше як императив намета обовязок, жеби проти Апатина дали свойо максимуме и поправели ураженє. Дуел Сивац 69 – Апатин будзе у црвенчанскей хали одграти у недїлю, а зачне ше у 18 годзини. Наш представитель у женскей прволигашкей конкуренциї, екипа Лаки з Црвенки, идзе на гостованє до Темерина. Црвенчанки су у горнєй часци таблици, можу грац незадусено, а з такей гри часто вийдзе и добри резултат. Стретнуце Темерин – Лаки будзе у Темерину одграта у недїлю, а зачне ше у 15 годзини.

Кошаркаре Гайдука у 10. колу првенства у Першей Србскей лиги пойду на гостованє Словену до Руми. И домашнї и Гайдук у дотерашнїм прєбегу првенства маю по шейсц победи и три поразки, а кед ше рахунує домашнї терен, фаворит є Словен. Стретнуце кошаркарох Словена и Гайдука будзе у Руми у нєдзелю, а зачне ше у 18 годзини.

Ђ.Боянич