Спортова хроника

Минули спортски викенд означели победи рукометарох Црвенки и Сивца, порази Гайдука у футболу и кошарки, и победа футболарох Русина у општинским дербию у Липару.

Четверте коло првенства у Супер Б лиги було успешне за наших рукометних колективи. Сивац 69 уписал першу победу. Пред своїма фанушиками у Сивцу вибранїки Бранка Жежеля побили Индзию зоз 32:26, полочас 16:15 за Сивац 69. У першым полочасу рукометарє Сивца, котри були оптерени императивом победзиц, цали час стигали предносц гостий, жеби у самим финишу, зоз двома голами Вемича, з предносцу єдного гола одшли на одпочинок. Домашнї ше бояли другого полочасу, бо у самим финишу першого капитен Беслач достал пряме червене картонче, алє у другей часци була инша картина. З минуту на минуту росла предносц рукометарох Сивца, котра у поєдиних моментoх була и девец голи, як у 55. минути, кед резултат бул 30:21, та на концу здобута значна победа. Найефикашнєйши у редох Сивца бул Лука Вемич зоз 8 датима голами, та го проглашели и за найлєпшого грача стречи.

Рукометаше Црвенки пошлєдзели вигравательну серию. На гостованю у Врбасу, у такозваним сусїдским дербию, рукометаше Црвенки виграли дружину Врбаса з 33:26, полчас 15:12 за Црвенку и так записали третю вигру шлїдом. До половини першого полчасу видзена була ровна борба, а потим рукометаше Црвенки почали лєпше брани, рознороднєйше нападовац и у 24. минути здобуваю три голи предносци, веду 12:9, и зоз трома голами предносци „вервечки“ одходза на одпочинок. У другим полчасу ше грал гол за гол, а домашнї, рукометаше Врбаса загрозели, пришли на гол заостанку, алє рукометаше Црвенки тот налєт одбили и знова здобули три голи предносци, а у остатнїх шестох минутох серию з 4:0 на концу славели вигру зоз седем голами предносци 33:26. Найефективнєйши у редох Црвенки були Бошкович и Машич зоз по седем постигнутих голох, а за найлєпшого гравца утакмици проглашени голман Црвенки Лука Павичевич.

По штирох колох првенства гандбалери Црвенки су други на табели з 7, а Сивац 69 девети з 2 бодом. У наступуюцим колу гандбалери Црвенки дочекую Херцеговца з Гайдобри, а Сивац 69 будзе гостиц Смедерево.

У другим коле першенства у Првей лиги за гандболерки Женьски гандболски клуб „Круле“ у Сивцу преграл од Руми зоз 37:20, полчас 18:11 за Румлянки. Резултат найяснєйше указує одношенє сили на терену. Найефикашнейша у екипи „Круле“ була Александра Єленкович, котра дала седем голи. Наш други прволигаш, Гандболски клуб Лаки зоз Црвенки, зигра свойо змаганє другого кола зоз екипом Желєзничара 2 у Инґиї у стреду.

Фудбалери Гайдука у 9. колу првенства у Сербскей лиги, ґрупа Войводина, на гостованю у Руме препущели домашнїм „1. маја“ з 2:1, и кедз прешли полочас ришели у свою корист. Гайдук у Руме виступел без нєшка других стандартних першотимцох: голмана Симоновича, капитана Масалушича и Шушняра, алє з голом Деяна Вуковича, котри дал у 33. минуту, одошли на одпочинок з предносцу. На початку другого пола Румляни дошли до вирівнаня, а гол котри одлучел победнїка екипа „1. маја“ дала у 80. минуту. И кед настоєвали дойсц до вирівнаня и мали шицки шпивни ситуациї, фудбалери Гайдука их нє зявали и опущели терен як поражена екипа. Фудбалери Гайдука шицей час єденацти на табели з 11 здобутих бодох, а у наступуюцим колу пред своїма навиячами у Кули дочекую екипу Радничкого з Зренянина.

Девяце коло првенства у Сомборскей околичней лиги означел општински дерби, котри ше одограл у Липару, у котрим сили одмерели Липар и Русин з Рускиц Крстура. Гости з Рускиц Крстура славели победу 4:1, полочас 1:1, а дерби оправдал очекованя, бо була то велї цалковита утакмица зоз пейц голох, зоз много шансох и з двома червенима картонами. Први загрозели фудбалєри Русина, та ше так у 9. минути пропущела идеална можлївосц отвориц резултат. Шутнул Маркович, лопта ше одбила до младого Саянковича, котри зоз седем метрох шутнул, алє голман Липара Светозар Зракич з прекрасну интервенцию спасол свою мешку. Липар дошол до водзеньства у 26. минути, кед Лалич красно прешол по боку, упатєл приземни центаршут, лопту у шеснаестерцу Русина прихвацел Йованович и зоз точним ударцом послал ю до мешки немоцного Кронича. У 39. минути прекрасна можлївосц за Липар, Йованович розишол ше к голю Русина, бул швидши од свойого працителя и мог сам завршиц акцию, алє несебично упослєл Лалича, котри шутнул, а зоз празного голя лопту до корнера вибил Холик. И гейц потим пришла кара. Филип Вуёвич упатєл лопту пред гол Липара, прихвацел ю искушни Янко Кулич и зоз десяцок метрох послал до мешки. Наслїдовали протести домашнїх, котри думали, же гол датий зоз офсайд позиций. Важни момент у дербию ше случел у 42. минути, кед грач Липара Делич за старт над грачом Русина Стефаном Томом достал пряме червене картонче. Наприкос меншому числу грачох, фудбалєри Липара лєпше отворели другу половину и у перших пейцнац минутох продовженя пропущели дви идеални можлївосци. Перша, у 57. минути, по асистенциї Джоровича, Йованович нє искористел, а другу, у 60. минути, нє искористел Човин. И кара за пропущени можлївосци пришла у 67. минути, кед грач Липара Авдалович врацел кратку лопту свойому голманови, його намиру «прочитал» Саянкович, пресекол пас и потом упослєл Филипа Вуёвича, котри зоз десяцок метрох датовал гол и довёл екипу Русина до водзеньства. У желию досцигнуц вирунок Липарчани оставели доста простору фудбалєром Русина, жеби з контрах загрожовали, а дви таки контри у 90. и у швертим минуту надополнєня часу у голи претворели Саянкович и Маркович за конєчни резултат 4:1 за Русин. Снимок утакмици фудбалєрох Липара и Русина з Рускиц Крстура на програму КУ Телевизиї можете поглєдац вечарка од 20 годзини.

Наш третолигашни фудбалери Црвенки у 9. колу првенства на гостованю у Бачком Грачацу победзели екипу Борца з 4:1. Повели су фудбалери Црвенки на концу першого полочасу, кед Милан Суботич з пенала бул сигурни, медзитим храчи Борца ше нє предавали и у 70. минуту дошли до вирівнаня. Алє, потим за два минут, найпрвей Фаћол у 72. а потим Милан Суботич у 73. минуту одводза Црвенку на два голи предносци, а штвартим голом котри дал Божичич екипа Горана Шушиловича записала вредну победу. По девейц колах Русин је други на табели з 22, Црвенка трећа з 20, а Липар пети з 19 бодами. У наступуюцим колу Црвенка гостує у екипи Будућности у Гложану, Русин будзе у Руском Крстуре гостиц Нашу звизду з Силбаша, а Липар будзе у Новей Гайдобри мерици сили з екипом Сока.

У деветим колу првенства у Сомборскей медзиопштинскей лиги першого класса футболери Полета у Сивцу з 3:0 виграли дружину Алекс Шантич. Два голи за Полет постигнул Ромич, а єден Вукашинович. На гостованю у Бачким Брегу футболери Кули грали з домашнїма Динамом нєрєшено 0:0, а наш третей представнїк у тим рангу змаганя, Младосц, у Крушчићу програл од Омладинца з Буковца з 4:1. Почасни гол за Младосц постигнул Никола Фекете. Сивацки Полет тераз други на табели з 21 бодом, Кула третя з 20, а Младосц дванацата з 4 бодами. У десетим колу Кула дочека дружину Задружара з Србского Милетича, сивацки Полет гостує у Телечки, а Младосц з Крушчића идзе гостювати до Алекса Шантича.

У трецим колу првенства у Футсал лиги Войводина футсалери Гайдука на гостованю у Суботици грали нєришено, 2:2, з екипу ФУЛ ФИЛ. Бод за екипу Гайдука зоз своїма голами принесли Делїч и Радович.У наступним 4. колу првенства у Футсал лиги Войводина футсалери Гайдука идзу на гостованє до Тиси у Новим Бечею.

Кошаркарє Гайдука у другим колє првенства у Републичней лиги ґрупа север на гостованю у Сремскей Митровици програли од Подриня з Мачванскей Митровици з 81:79. Треба повесц, же Гайдук наступел ослабени, бо хибели Богданович и Тешович, што, як ше покаже, було вельки гандикеп, особлїво кед иде о скок-игри. Три четвертини стречи кошаркарє Гайдука були лєпши, на полочасу мали шейсц бодови вецей, кед резултат бул 42:36, до остатнїх десец минут стречи ушли з предносцу десец бодови, кед водзели 62:52. Шейсц минут пред концом кошаркарє Гайдука водзели и дванайц бодови розлики, алє потим насцигла серия трох-бодових шутнїх домашнїх, та зоз пейц личних грешкох Шкрбича и Джуровича, «гайдуки» просто нє витримали притиску домашнїх, алє судьї и епилог того вшиткого бул минимални пораз. У трецим колє првенства кошаркарє Гайдука дочекаю екипу Ай кам ту плей з Нового Саду.

Ђ.Боянич