Одлични штарт гандбалских екипох у першенстве Првей лиги

Рукометари дружтва Сивац 69, нови у першолигашкей дружини, у премиєрним стречу, як домаци у Червенки победзели Црвену звезду з Мокрина зоз 38:22. Резултат вшелїко поведа: красна одбрана и ефективни напад вибранкох тренера Бранка Жежеља. Наефективнєйши у победнїцкей дружини Калич и Бошкович зоз по 10 голї. И рукометари Червенки були успешни. У комшиєвским дерби, стречу даякдашнїх суперлигашох, рукометари Червенки победзели дружтво Врбаса зоз 23:17. Уж у 15. минути Червенчани повели зоз 6:2 и таґди було ясне кому пойдза бодзи. Наефективнєйши у дружини Червенки бул капитан Радонич зоз 7 голами. И треци першолигаш, дружтво Лаки, у першом колю пренства за жени, пред своїма навиячами у Червенки победзело дружтво Темерина зоз 24:21. У другим колю першолигашкого пренства Сивац 69 идзе гостювати ЖСК-у до Жабля, Червенка гостує Кикинди, а дружтво Лаки пред своїма навиячами дочека Младосц зоз Српскей Црнї.

У другим колю пренства у Першей лиги футболєристки Полета пред своїма навиячами у Сивцу грали неришено з дружтвом Триямф з Крагуєвца. Резултат бул 1:1. Сивчанки повели у 5. минути зоз голом Йовани Зиндович, у 55. минути мали можлївосц же з пеналу зошмили водство, алє Виктория Часар нє була точна и казна пришла у 88. минути, кед гостї вирунали. Футболєристки Полета су други на табели зоз 4 бодами, а у трецим колю идзу гостювати дружтву Лавице Дубочица до Лесковца.

Футбалери Гайдук юниору покрацую победни ряд. У 6. колу першенства у Подручней лиги Сомбор Гайдук юниор у Кули победзел дружтво ЖАК-а з Сомбора з 3:1 и так записал и шосту победу за шебе. Стрелци за Гайдук юниор були Станисавлевич, Божович и Филип Вуёвич. Сивацки Полет пред своїма хаснователями грал нєрозрєшено з Шикаром – резултат 1:1. Сивчани од победи дїлили секунди, алє з гравцом менєй нє витримали. Русин з Руского Керестура на гостованю у Младенову з дружтвом Будучносци грал нєрозрєшено 1:1, док остатнї два наши представителье були поражени. Липар програл у Бачкей Паланки од дружтва Стари град з 4:1, док Младосц з Крушчичу у Свилоєву програла од Тереквеша з 5:1. Гайдук юниор перши на табели з 18 бодами, Липар є осми, а Младосц девета з 7, Русин є єденадзати з 5, а Полет шторнацати з 4 бодами. У наступней колу, котре будзе одграти у стреду, на програму є општинске дерби: у Крушчичу ше зийду Младосц и Полет з Сивцу. Водяци Гайдук юниор иде на гостованє к дружтву Шикара, котре є друге на табели, Липар витує дружтво Тереквеша з Свилоєва, а Русин будзе у Руского Керестура витовац дружтво Герцеговца з Гайдобри.

У 5. колу пренства у Сомборскей медзиопштинскей лиги перши розряд оба представнїки з кулскей општини, гоч як гости, однєсли победи. Црвенка у Буковцу побидзела екипу Омладинца з 3:2, а з тим истим резултатом Кула побидзела екипу Хайдука у Стапаре. По тим колу Црвенка ведзе на табли з 12 бодами, а Кула друга з 11. У наступним колу Црвенка дочека Граничара з Ридзице, а Кула будзе домацином Омладинцу з Деронє.

У 5. колу првенства у Сомборскей медзиопштинскей лиги другей класи, Кульски футболни клуб КФК на гостованю у Рибареву програл Єдинству з рахунком 3:0. КФК є осми на таблици з 5 бодами, а у наступней тури є вольни.

Ђ. Боянич