Рукометаши и футболїсти записали прегратох

Минути спортски викенд бул занимлїви, ал рукометарє Црвенки и Сивца, як и футболери Гайдука, Црвенки, Русина… нє буду го паметац по добрим.

У стрету плей-аут ґрупи АРКУС Суперлиги Сербиї рукометари Црвенки на гостованю у Беоґрадзе програли од Црвеної звезди з 26:24 и так и дефинитивно стратили шанси остати у рукометней елити. А же би нє було шанси на инакши вислїд. У першом получасу рукометари Црвенки увек мали резултатну предносц, у 25. минуте водзели з 14:10, а потом домашнїм позволєли серию з 3:0 вернуц ше до змаганя, та перша часц гочаня завршена з минималним водством Црвенки од 15:14. На початку другого получасу Црвена звезда прешла до водства, а потом ше играло гол за гол, та у 50. минуте при вислїду 22:21 за Звезду Савич пропущел можлївосц з седмерца изравнац, напад домашнїх за два голи предносци оборону спречел голман Црвенки Павичевич, алє насамошлє технїчна хиба у нападу, цо рукометари Црвеної звезди хасную и з контри приходза до двох голох предносци. Гол Карановича минуту и 15 секунди пред концом унеол дозу оптимизма, бо Звезда остала и з играчом менєй, алє напроти числовей предносци рукометари Црвенки нє успели ше оборониц, домашнї стреляли гол за конєчну победу. Шкода, пропущене вельо можлївосци здобуц боди; з бодами з Беоґрадза рукометари Црвенки би мали шанс остати у АРКУС Суперлиги, а з поразом су приковани за дно табели з 8 бодами. До конца плей-аута остали ище два кола, у котрих Црвенка игра як гостю, найпрвей з Обиличом у Беоґрадзе, а потом з Шамотом у Аранђеловцу, та є у домену фантастики здобуц дви победи, а жеби конкуренти Обилич и Пролетер оба змаганя програли, бо лєм у тим случаю би „верверички“ остали у АРКУС Суперлиги Сербиї.

Раз у минувшим викенду забелєжели и рукометари Сивца. У 17. колє првенства у Супер Б лиги Сивац 69 гостовал у Врбасу, дзе од домашнїх Врбас Петрола преграл з 37:29, полчас 15:11. Истина, Сивчани наступели у Врбасу ослабени, без бекох Славуљици и Калића, голмана Потпаре, но найбарз того хендикепу у 17. минуту мали два голи предносци, но потом Врбас прави серию од 5:0 и зо штирима голами предносци домашнїх одходза на одпочивок. У другим полчасу вибраники Бранка Жежеља успели у 49. минуту дойсц до виривнаня – 26:26, алє знова сериєю од 3:0 Врбас здобува предносц, котру до кінца стречи и увекшал, и так здобул драгоценни бодзики у борби за опстанок у лиги. Найефективнєйши у екипи Сивца бул Чабаи, котри постигол 13 голи. Сивац 69 є пети на табели з 18 бодзиками, а у насамошнєй колє домачка Юговича з Каћа.

Вредне победзтво у борби за опстанок у Првей лиги осягли рукометашки дружства Лаки. Млади Црвенчанки у стречаню 17. кола чемпионату у Првей лиги на свойом терену победзели дружство Мокрина з 29:17, а победу осягли, зда ше, уж у першому полочасу, котре закончили у свою корист з 17:8. Победзтво значне, бо осягнуте проти директного суперника у борби за опстанок. Найефективнши у дружстве Лаки були Миряна Латинович з 6, и Желяна Таталович и Мария Ивич з по 5 голами. Дружство Лаки є шицураз девете на табли з 8 бодами, а у приходнім колу гочує у Спартака у Дебелячи.

Победзтво осягли и рукометашки дружства Круле з Сивца, котри у стречаню 20. кола чемпионату у Другей лиги у своїй дворани победзели Пригревицу з 33:24. Победзтво було очековане, бо дружство Круле водзи на табли, сигурно нови член Првей лиги, а и значно квалитетнше дружство, што вибранки Альоши Бикицкого указали и на терену. Найефективнша у дружстве Круле була Александра Єленкович з 9 голами. Сивацки рукометашки водза на табли з 30 здобутими бодами, а у приходнім колу гочую у Обилича у Новим Кнежевцу.

Футбалєри Гайдука у 30. коле першенства у Српскей лиги ґрупа Войводина на свойом терену програли Тиси з Адоряна з 2:0. Гости, з клупи ведзени искусним стручняком Томиславом Сивичом, були лєпши, у кажду хвильку знали цо хочу и зо своїх нєшка преприпадносцох дві хасновали и победзели. Од другу боку, футбалєри Гайдука нє сполнили очекиваня, грали без нїякого жару и жаданя, а поразка последица такей постави ку гре. Гайдук хаснєтно тринадцяти на табели зоз 41 здобитим бодом, а у наступним коле иде гостююц к ведущей дружини Младосци ГАТ до Нового Саду.

У 27. колу чемпионату у Войводинскей лиги футбалери з Црвенки на гостованю у Ловћенцу препущели домашнїм, Његошу, з 4:0. Краєви резултат найилюстративнєйше гвари о тим, цо було видзене на терену. Два порази футбалерох з Црвенки по шлїдку, предходнї од Младосци з Турие у Црвенки, а цей з Ловћенца, знова їх штурхаю до опасней зони на таблици, медзи екипи хтори ше грчовито буду бориц о опстанок. Црвенка є пейнацта на таблици з 27 бодами, а у наступним колу дочека екипу Бачки з Пачира.

Футболери Русина з Руского Крстура у 25. коле првенства у Сомборскей окружней лиги на гостованю у Кляїчеву програли од Кордуна з 1:0. Бул то уж пейти шоре стреч, у котрим футболери Русина нє здобули победу, цо надежни знак, же криза трохи „трясе“ реди того клуба, котри у єдним моменту бул и на другей позициї на табели. Русин тераз четверти на табели з 41 бодом, а у насамошнїм коле дома приймаю Будущносц з Парагох, котра є друга на табели.

У 20. колу чемпионату у Сомборскей медзиопштинскей лиги перши розряд футбалери Липара на свойом терену победзели Дунав з Бачкого Моноштора з 3:0, голами Марчетица, Джукица и Шегана. Полет у Сивцу, з подмладзену дружину, грал неришено з дружством Єдинства з Рибарева 1:1. Гол за Полет дал Перуничич. Кула на гостованю у Алекси Шантићу грала з домащим Алексом Шантићом так нєришено 1:1. Куляни повели голом Янїча, алє нє змогли зберегнуц предносц. Наш четверти представитель Младост з Крушчића на гостованю у Оджакох програла од ОФК Оджакох з 2:0. Липар є други на табли з 46 бодами, Кула четверта з 32, Полет шести з 29, а Младост одинадцата з 10 бодами. У приходзим колу на програму општинске дерби: у Крушчићу ше стретаю Младост и Полет з Сивца, Кула дома прийма ОФК Оджаке, а Липар гочує у Динама у Бачким Брегу.

Кегляри Гайдука у 15. коле першенства у Первей лиги Сербиї – ґрупа Войводина як домашня дружина у Врбасе победзели Войводину з Бачкого Градишта з 5:3 поенох. Победу Кульчаном принєсло осем вецей вкупно звалєних кегльох. Кегляри Гайдука звалєли 3199, а Войводини 3191 кеглю. Найвреднєйши резултати, котри Гайдуку принєсли поени, здобули Бранко Вуксан, котри звалєл 564, Дарко Милович з 561 и Марко Еракович з 527 звалєних кегльох. По тей победи кегляри Гайдука и далєй последнї на табели з 6 бодами, алє и з трома утакмицами менєй, а у наступним коле 9. мая иду гостююц Славиї до Ковачици.

Одбойкарки Гайдука у 9. колу првенства у Другей войводинскей лиги як домашнє дружство у гали Основней школи „Петефи бригада“ у Кули победзели Сутьєску з Бачкого Доброго Поля з 3:1 у сетох. Перший и други сет одбойкарки Гайдука контроловали од початку по конєц и достали их з 25:15 и 25:21. У третей сете була драма, у хторей одбойкарки Сутьєски мали вецей концентрациї и ришели тот сет у свою користь на розлику 27:25, та мушело ше грац и штверти сет, у хторим одбойкарки Гайдука знова доминовали и достали го з 25:19, за конєчних 3:1 у сетох. Зоз шейсц победами и двома поразами одбойкарки Гайдука су тераз други на таблїци, у наступним викенду су слободни, а потим дочекую водеци Бечеј.

Ђ.Боянич