Гандбалери Црвенки гостую у Аранджеловцу, а Сивчани у Инђиї

Рукометаше Црвенки у остатнїм колу плей-аут групи АРКУС Суперлиги Сербиї гостую у Аранджеловцу, дзе ше змера з дружину Шамота. Црвенка остатня у плей-аут групи, нє вишла їй за руком зохранїц место у АРКУС Суперлиги, та же утриманє з Шамотом будзе можлївосц, жеби без резултатского императива шанцу достали млади гравци, котри у наступних сезонах буду окосница дружства. Утриманє рукометашох Шамота и Црвенки будзе у Аранджеловцу одогране завтра, а зачне ше о 18 годзини.

У 19. колу пренства у Супер Б лиги гандбалери Сивца гостую у Индзиї, дзе змира з тим самим именом екипи. То будзе судар тимох котри на табли у безпечней зони, што им дава можлївосц грац без обтяженя и так указац вшелїпу гандбалового спорту. Змаганє гандбалерох Индзиї и Сивца будзе у Индзиї одогране утре, а зачне у 19 годзини.

Млади црвеначки рукометарки, екипа Лаки, у 19. колу првенства у Першей лиги дочекую екипу з Темерина. З перемогу екипа Лаки би майже пребриньовала вше старосци зоз опстанком у Першей лиги. Утримка Лаки – Темерин у спортскей хали у Црвенки будзе одограна вонка, а зачне ше о 19 годзини.

Футбалери Гайдука у 34. колу чемпионату Србскей лїги, група Войводина, дочекаю команду Бечея. Охрабрени бодом зобитим у прешлим колу у Зренянине, Куляни оглашую же використаю преднос домашнього терену, запишу вигранє и так розришия шицки старосци оглядом опстанку. Стретнуце футбалерох Гайдука и Бечея на стадиону „Милан Среданович“ будзе одогране завтра, а почне ше у 17 годзини.

У 30. колу першенства у Воєводянскей лиги, северна група, футбалери Црвенки дочекаю Байшу. Гости су други на табели, Црвенка у зони випаданя, и кед судзиц подля того, фаворит Байша. Но, у матчу Црвенки и Байши могол би одлучиц векши мотив на страни домашнїх, бо боря ше за остаток у лиги, а Байша нє ма шанси загрозиц водзей екипи, и баш на тим факту Црвенчани будую оптимизем. Матч Црвенки и Байши будзе одограни завтра на стадиону „Милорад Джомба“ у Црвенки, а зачне ше у 17 годзини.

Футбалери Русина у 30. колу пренства у Сомборскей подручней лиги у Руским Крстуре дочекаю екипу БСК-а з Бачкого Брестовца, ришени же по девец послєдовательних змагань без победи оствария триумф и так утвердза свою позицию у горнїм дїлу табли. Змаганє футболерох Русина и БСК-а з Бачкого Брестовца будзе у Руским Крстуре одогране у нєдзелю, а зачне у 17 годзини.

Двайцет и треце коло першенства у Сомборскей медзиопштинскей лиги перши клас будзе одзначене општинским дерби хтори ше одогра у Крушчићу, дзе ше зостану Младосц и Липар. Занимлїво будзе и у Кули, бо на Гедеру Кула прияме провадзеюце Братство з Прогревици. Наш штверти представител у тей степеню змаганя, сивацки Полет, гостує Алекси Шантићу. Шицки тоте сусрети на програму у нєдзелю, а зачну о 17 годзини.

Одбојкарки Гайдука у 10. колє пренства у Другей войводянскей лиги дочекаю дружтво Бечея. То дерби сезони, бо дружтво Бечея ведзе на табели, а одбојкарки Гайдука су други. У першой часци сезони одбојкарки Бечея на свойом терену виграли зоз 3:2, та Кулянки ришени же им верну пораз и так достану на лидерску позицию. Стретнуце одбојкарок Гайдука и Бечея будзе одогране завтра у сали Основней школи Петефи бригада, а зачне ше о 17 годзини.

Кугляри Гайдука у 17. колу првенства у Першей лиги Сербиї – ґрупа Войводина гостюю у Новим Саду, дзе завтра од 16 годзин одмераю сили з екипом 13. мая.

Ђ.Боянич