Резултати спортового викенду

Минути спортски викенд означел кониц суперлигашкого гандболового першенства. У остатнїм 22. колу першенства у Супер Б лиги гандболисти Черенки пред своїми навиячами програли Морави з Великей Плане з резултатом 35:32, и гоч першу полфину окончили у свою корист з резултатом 17:16. Треба повесц же стречанє нє мало нїякого такмичарского значеня, же Черенка настопала без шторох стандардних першотимцох, капитана Радоньїча, Еґича, Рачича и голмана Павичевича. Наефективнєйши у поразки од Морави з редох Черенки бул млади Николич з 9 постигнутих голох. Черенка закончела сезону на одинадцетим месце на таблици, з 14 здобутих бодох, та и у наступней сезони будзе грац у Супер Б лиги.

У 21. колє першенства у Првей лиги Сивац 69 на гостованю у Яши Томичу виграл «Герцеговину» з Сечня з вислїдком 27:26, полочас 14:13 за Сивчани. Було то 20 першенствене виграшанє гандбалистох Сивца, котри давно обезпечели поступ до Супер Б лиги. Найефективнєйши у редох Сивца бул Чабаи, котри забул 10 голи. Сивац 69 перши на табели з 40 бодами, а у послїднїм колє першенства пред своїма глядачами прийма «Црвену звизду» з Мокрина, и на тим сусрету будзе ославена титула шамиона и поступ до Супер Б лиги.
Наш другий прволигаш, у женскей конкуренциї, екипа Лаки з Црвенки на гостованю у Дебелячи преграла од домацей екипи Спартака зоз 23:19, полчас 12:9. Наефикацийша у екипи Лаки була Драгана Димитрич, котра постигла 8 голи. Млади црвенски рукометарки, екипа Лаки, десета на таблици зоз 12 бодами, а у остатнїм колу првенства дочекує водзейшу Кикинду.

Футбалери Гайдука ушпивовали и штверти посля себе пораз у першенстве Србскей лиги ґрупа Войводина. У 31. коле, у дербию ярного дїла першенства Куляни гостовали водзацому Кабелу з Нового Саду, и програли з 3:0. У перших двацец минутох футбалери Гайдука мали три виглядни шанси за гол, нє искористели их и наслїдовала треста. Кед на самим зачатку другого дїла футбалери Кабела дали други гол, було ясне же гости буду славиц. То, по чим тот стреч будзеще паметани, красни ґест руководства Футбалского клуба Гайдук 1912.

Пред зачеком сретаня почесни председатель Гайдука Велимир Потпара подаровал Милету Шчепановичови и Слободанови Джоджичови дреси Гайдука зоз їх презвисками, як знак вдячносци за многорочну навияцку верносц Гайдукови. Наперек поразу од Кабела, Гайдук 1912 є други на таблици зоз 57 бодами, а у наступним колє будзе гостєм Железничара у Панчеве.

Футболери Црвенки у 27. колє првенства у Войводянскей лиги ґрупа север пред своїма глядачами виграли Младосц з Турие з 3:2. Голї за Црвенку дали Фуртула, Шакич и Милан Суботич. Црвенка є шеста на табли з 39 бодами, а у насамшедшим колє идзе на гостованє Слоги до Чоноплї.

Футбалери сивацкого Полета покрачили свою победну серию у Сомборскей окружней лиги. У 28. колу першенства футбалери Полета пред своїми навиячами победзели Крила Країни з Бачкей Паланки з резултатом 3:0, и так уписали седму победу у предходних осем стречаньох. Голи за Полет у стречаню з Крилами Країни дали Ромич з пеналу, Йован Чвокич и Янюш. Кула на Ґедеру грала з Радницким з Раткова нєрешено 0:0, Русин з Руского Керестура був поражени у Кулпину од домацого Кулпина з резултатом 4:1, док Липар з ЖАК-ом у Сомборе грал нєрешено 1:1. Русин є пети на таблици з 44 здобути боди, Полет є дванасти з 33, Кула штирнастa з 32, а Липар пятнастий з 27 бодами. У наступним колу на програму є општинске дерби. У Липару сили одмера Липар и Кула, Русин у Руском Керестуре прийма Войводину з Товаришева, а Полет з Сивца гостує у Радницкого у Раткове.
У 20. колє првенства у Сомборскей медзиопштинскей лиги перши розряд футболери Младосци у Крушчићу з водзацим Кордуном з Кляїчева грали неришено 2:2. Младосц є десята на табли з 20 бодами, а у насамшедшим колє идзе на гостованє Партизану до Купусини.

Фудбалерки Полета з Сивца у 17. колу првенства у Першей лиги Сербиї за жени на гостованю у Беоґрадзе препущели домашнїм, дружству Рада, зо 5:1. Сивчанки су тераз осме на табели зо 15 бодами, а у последнїм колу првенства пред своїма навиячами прийму дружство Колибри з Куршумлиї, котре на последнїм месце.

Ђ.Боянич