Резултати спортских подїйох з минулого викенду

Кошаркаре Гайдука у 16. колє првенства у Првей србийскей лиги на гостованю у Новей Пазови програли домашнєй команди Новей Пазови зоз 84:65. Сстреча була ришена уж по першом полочаси, хтори Нова Пазова ришела у свою корист з резултатом 43:22, та у другим полочаси рутинску гратку лєм одрдожовала тоту розлику. По програшу у Новей Пазови кошаркаре Гайдука є седми на таблици зоз скором 8 вигри и 8 програшох, а у наступним колє пред своїма навиячами у Кули витую Тополу з Бачкей Тополи.    

Ани куглари Гайдука нє були успешни минули викенд. У 13. колє првенства у Првей лиги Сербиї ґрупа Войводина куглари Гайдука як домашня команда у Врбасу програли Петроварадину зоз 7:1 у поєнох, односно 3262:3189 у звалєних кеглох. Єдине поєно за екипу Гайдука освоїв Марко Еракович, хтори звалєл 540 кеглох. Куглари Гайдука су осми на таблици зоз 10 бодами, а у наступним колє иду гостовац Кордуну до Кляячева.

Футбалери Гайдука вчера, у рамикох припремох на ярну часц првенства у Сербскей лиги, ґрупа Войводина, одограли два контролни утакмици. Шеф стручного штабу Гайдука Драґан Иванович роздзелєл такмичарски састав на дви ґрупи, та так єдна ґрупа гочарох Гайдука вчера у Црвенки зоз войводянским лигашом Црвенком грала неришено 1:1. Гол за Црвенку постигнул Суботич, а за Гайдук Тутневич. Друга ґрупа гочарох Гайдука вчера на Вашаришту одограла контролне стречанє зоз Бачку з Пачира и забелєжела победу од 5:1. По два голи за Гайдук постигли Йованич и Марков, а медзи стрелцох уписал ше и Койчич. По тих двох стречаньох шеф кулянскей струки Драґан Иванович вибере гочарох хтори буду покрачовац припреми у Врнячкей Баньи.

Ђ.Боянич