Резултати 27. кола првенства у Подручней лиги Сомбор

Вчера одограли стречаня 27. кола змаганя Сомборскей окружней лиги, а найзначнєйши напевно бул општински дерби у Руского Керестура, у котрим домаци Русин победзел Младосц з Крушчича з 2:0 голами Бояна Бранковича и Неманї Тешовича. Гайдук юниор на гостованю у Младенове прешол од Будучносци з 2:1. Гол за Гайдук юниор дал Кузманович. Липар на гостованю у Бачком Петровцу од домацей Младосци прешол з 6:0, а з тим истим резултатом и сивацки Полет прешол од Славиї у Пивницох. По вчерашнїх стречаньох Гайдук юниор штврти, а Русин пети з по 41 бодом, Липар дванадцети з 31, Младосц штирнадцета з 29, а Полет послєднї з 16 бодами. У наступним коле нас чека нове општинске дерби: у Липаре ше стретаю Липар и Русин з Руского Керестура, Гайдук юниор дома прицвита Младосц з Бачкого Петровца, Младосц з Крушчича як домаца одмери сили з дружину Крила Країни з Бачкей Паланки, а Полет у Сивцу прицвита сомборски ЖАК.