Розписани Конкурс за регресованє превозу школярох средньох школох на териториї АП Войводини

Покраїнски секретарият за образованє, предписа, управу и национални меншини – национални заєднїци розписал Конкурс за регресованє превозу школярох штреднїх школ на териториї АП Войводини за 2025. рок. Конкурс ше розписує на суму средствох обезпечених за регресованє превозу школярох штреднїх школ у АП Войводини за 2025. рок у суми од 151 милийони динари. Средства су наменьени на финансованє и софинансованє регресованя превозу школярох штреднїх школ у медзимесним превозу, котри кажди дзень путую од места биваня до школи и назад.

Хаснователє котри маю право участвовац у роздїлу средствох су општини и городи на териториї Автономней Покраїни Войводини. Приглавки на конкурс подаваю ше у папирней форми, у затвореней коверти на адресу: Покраїнски секретарият за образованє, прописи, управу и национални меншини – национални заєднїци, Булевар Михайла Пупина 16, 21000 Нови Сад, або особно предаванєм на писарнї покраїнских органох управи (на наведзену адресу) у часу од 9 до 14 годзини. Комплетну конкурсну документацию мож хасновац од 29. януара 2025. року на веб-адреси Секретарияту, а рок за подаванє приглавкох на конкурс је 28. фебруар.