Перши ярни пораз гандбаларох Сивца

Минути спортски викенд означел перши ярни пораз гандбаларох Сивца. Наиме, у 21. коле першенства првей лиги, у дерби сусрету Сивац 69 як домацин у Црвенки преграл од Ябуки з 32:23, полочас 16:11 за гостох. Окрем доброго початку, кед сивацки гандбалари по седем минутох гри водзели з 3:0, вше инше прешло у знаку розиграних играчох Ябуки, и на концу гости одноша бодзи и пребераю другу позицию, котру до того сусрету мали гандбалари Сивца. Найефикашнєйши у шоре Сивца були Беслац и Чабаи, з по пейцима постигнутих голох. Сивац 69 є треци на табели з 30 бодами, а у остатнїм коле идзе до Апатина.
Мило здивовали млади црвенчански гандбалерки. Дружтво Лаки у 21. колу першенства Првей лиги на гостованю у Сомбору побидзело дружтво Раванґрада з 29:28. Домашнї гандбалерки мали у 51. минуту три голи предносци, водзели з 25:22, алє теди дружтво Лаки прави серию 5:0, и потим у грї гол за гол, успели храниц предносц и здобуц боди. Найефективнєйша у дружтве Лаки була Драгана Димитрич, котра дала 12 голи. Лаки є шеста на таблици з 22 бодом, а у наступним, последнїм колу прилапює дружтво Темерина. Пред тим стреченём дружтво Лаки будзе у стреду, пред своїма приврженцами, грац одложене стреченє 15. кола першенства проти водячого Словена з Руми.

Футбалїсти Оџакох з Кули у стречи 28. кола першенства у Српскей лиги ґрупа Войводина, пред своїма навиячами на штедио́ну Милан Среданович грали нерешено 1:1 против Младосци з Бачкого Ярку. Гол хтори екипи Оџакох донєсол бод, дал Райковача. Оџаци су теперь дзесяти на таблїци з 36 бодами, а у наслядуюцим коле идзе до гостий к екипи Борца у Сакулох.
У дербию 28. кола першенства у Сомборскей окружней лиги, другопоставена Црвенка з четвертопоставеним дружтвом Крила Крајини з Бачкей Паланки грала нєрешено 0:0. Бод вецей одвитує Црвенчаном, котри практично обезпечели друге место. Липар пред своїма навиячами побидзел Будучносц з Парагох з 2:0. Стрелци за Липар були Чвокич и Лалич. Кула як домаци з Герцеговцом з Гайдобри грала нєрешено 1:1.

Куляни водзели голом Вуєвича, котри дал з пенала, промашели кельо добрих шанци и у продовженю часу пришла казна за промашаня. Футбалєри Русина з Русского Крстура здобули драгоцену вигру, бо на гостйованю у Бачкей Паланки виграли од Старого ґраду з 4:2. Медзи Русинами окремно ше указал Стефан Кочиш, котри дал три голи, а штверти гол Русина бул автогол. Наш пейти представитель, Младост з Крушчича, на гостйованю у Станишичу програла лїдерови Станишичу з 3:0. Червенка друга на табли з 58, Липар десета з 30, Кула дванаста з 29, Русин тринасти з 28, а Младост послїдна, петнаста, з 11 бодами. У насамшедшим колу будзе општинске дерби: у Крушчичу ше стреча Младост и Липар, Червенка идзе на гостї до сомборского ЖАК-а, Русин дочекава ведучого Станишича, а Кула идзе на гостї до Славиї у Пивницох.

У 21. колу першенства у Сомборскей медзиопштинскей лиги перши клас, у суседским дербию одограним у Сивцу Кордун з Кляїчева побидал домашнє дружтво Полета зо 1:0. Сивчани су други на таблици зо 44 бода, а у остатнїм колу першенства пойду гостю Партизану у Купусину.
Закончело ше першенство у Сомборскей медзиопштинскей лиги, други ступень. У остатнїм, 18. коле Кулски футбалски клуб КФК на гостованю у Бездану програл од Спорта з 3:0. КФК закончел сезону на осмим месце на таблїци з 20 здобутих бодох.
Завершене и першенство у Футсал лиги Войводини, у котрей змаганя футсалери Гайдука з Кули. Кулчани у последнїм, 22. колу першенства на гостованю у Оджакоźох програли Пчинї з Каравукова з 8:6. По два голї за Гайдук дали Киш и Боговацки, а до стрелцох ше уписали и Исаков и Йованович. Клуб малу футболу Гайдук першенство у Футсал лиги Войводини закончил на деветим месце з 28 здобутих бодох.

Ђ. Боянич