Минути спортски викенд бул богат на занїмави подїї

У дерби сезони у Першей регионалней лиги Сербиї кошаркаре Гайдука на гостованю у Сомбору програли од дружини Џокер з 101:60, полчас 48:33. Тренер кошаркарох Гайдука Данило Боривич повагну, же победа домацих заслужена, же указали преч зоз чого су найвекши фаворити за виши ранг, алє жалосц остава за тим, же його дружина три штвертини була равноправна з фаворитом, а кед треба було цалком ше врациц до матчу, уж нє булош циги, та кошаркаре Џокера остатню штвертину виграли з 36:10. Найлєпши у редох Гайдука, по оцени тренера Боровича, були Джурович, Сувайджич и Тешович. Кошаркаре Гайдука у остатнїм колї першенства у ґрупи у пяток дочекаю Нову Пазову, а по тим стричаню их чека змаганє у плеј-оф ґрупи за чемпиона, до котрей виходза з другого места.

Кошаркарки Сивца у 13. колу првенства у Першей регионалней лиги Сербиї на гостованю у Тителу програли Тителу з 82:56. Сивчанки були рівноправни у першім полчасу, цо показує и резултат 36:30, алє у трецей четвертини опадли, програли ю з 29:12 и тогди уж було ришене питанє победителя. Кошаркарки Сивца з 5 победами и осем програми на шестим месце на табелї, а у наслядуюцим колу витую екипу Срема з Сремскей Митровици.

Минули викенд нє бул успешни за Одбоєкарски клуб „Гайдук“. Мушка дружина Гайдука, хтора змаганя у Другей лиги Сербиї, гостовала у Кикинди, дзе од ведучей дружини на таблици Кикинди була поражена з 3:0, по сетох 25:12, 25:16 и 25:18. Кикинчани оправдали роль фаворита, а тренер одбоєкарох Гайдука Милорад Лазич наглашує же то було єдно з гришнєйших виступаньох його дружини, и же з лошим приїмом сервиса и недостатком концентрациї нє можло ше нїч вецей анї очековац. У насампредним колу одбоєкари Гайдука у нєдзелю у Кули приямаю дружину Вест з Шида. Одбоєкарки Гайдука у 10. колу першенства у Першей войводянскей лиги, пред своїма прихильниками у Кули, у комшиєвским дербию, були поражени од Врбаса з 3:0, по сетох 25:21, 25:16 и 25:19 за одбоєкарки Врбаса. Ше видзи же одбоєкарки Гайдука пре вельо респекту пришли на утакмицу, грали зоз напнуцосцу, цо мало за послїдок вельо гришкох, та поразка була неизбежна. У насампредним колу одбоєкарки Гайдука иду до гостїв Суботици.

Кугляри Гайдука у одложеном стречаню 13. кола првенства у Првей войводинскей лиги на гостованю у Старей Моравици побидзели екипу Еђшеґа з Бачкей Тополи з 6:2 у точкох, односно 3395:3302 у звалєних кеглох. Точки Гайдукови принєсли Бранко Вуксан з 597, Марко Еракович з 588, Владимир Тришич з 578 и Душко Аджич з 564 звалєних кеглох, а два точки Куляне здобули за хижи число звалєних кеглох укупно. Кугляри Гайдука тераз други на табели з 20 бодами, а у насамшим колу дочекаю екипу з Голубинацох.

Остатнї наши спортски колективи минули викенд хасновали на то, жеби через утракованя переверели, цо зробели у припремней периоди.

Гандбалери Черней, члени Супер Б лиги, учашцвовали на деветим Мемориялним турниру „Драго Йовович“, котри Гандбални клуб Врбас орґанизує на чест своєй гравецкей легенди Драга Йововича. У полуфиналним утракованю Черней програли Юговичу з Каћа з 40:29, полчас 20:13. Едноствено, видзело ше розлика у квалитету, а треба мац на огляд и факт же Черней грала ослабена, бо ю у прелазним року опущели Перович, Вукадинович и Тасич, а проти Качанох у складзе нє було ani каптена Радонича. Як поражени, другого турнирского дня гандбалери Черней у утракованю за треце место грали проти суботицкого Спартака. Победел Спартак з 28:19, хоч гандбалери Черней перши полчас виришели у свою користь з 13:11. Черней, дакле, на мемориялу „Драго Йовович“ заняла штварте место, а спомньме и то же победитель Мемориялу екипа Юговича з Каћа, котра у финалу победала домашнєй Врбас з 32:26. Наш другий суперлиґаш Сивац 69 учашцвовал на 14. по раде Мемориялним турниру „Неманя Стамболия“, котри у суботу одгрили у Апатине. Турнир траял єден дзень, грало ше двараз по 20 минут, а у полуфиналним утракованю Сивац 69 победал Дервенту з 25:20, а потом у финалу програл домашнєй екипи Апатина з 20:14. Сивчани на тим турниру були ослабени, без брацох Шайин, Славулици, Класана, Попова, Джабасана, а у финалним утракованю и без Калича, так же тренер Бранко Жежель зазначує же перевери добре пришли и же очекує же у тих тижню дньох ситуация з гравецким кадром будзе поволнєйша, бо уж наслядуюци викенд зачинає пролеция гонка за точками.

Футбалери Гайдука у рамиках приправох на пролеци част првенства у Србскей лиги ґрупа Войводина гостовали у Бечею, дзе домашнїх, екипу Бечея, побидзели з 3:0. Два голи за Гайдук дал Иванович, а гол записал и Влаисавлєвич. Насамшу провиру спремносци футбалери Гайдука одограю у стреду, кед буду гости екипи Младосци у Турии. Футбалери Црвенки, члени Сомборскей обласней лиги, у першому контролним стречаню на своїм терену побидзели екипу Нєґоша з Ловченца з 1:0, голом Рая Йовановича. Насамши викенд футбалери Црвенки буду мац дви провири, и у суботу и у нєдзелю. Супернїки буду Динамо з Бачкого Брега и Кордун з Кляячева. Наш други обласни лигаш Липар на своїм терену програл од Искри з Куцури з 3:0. Липарчане у нєдзелю одмера сили з новосадским Желєзничаром. Треци обласни лигаш Русин з Руского Керестура гостовал у Оджацох, дзе побидзел ОФК Оджаке з 3:1. Голи за Русин дали Саянкович, Филип Вуёвич и Сушич. Керестурчане у нєдзелю у Руcким Керестуре дочекаю комбиновани состав кулского Гайдука. Футбалери сивачкого Полета минули викенд одограли два стречаня. Найперше у суботу у Бачким Добрим Полю програли од Сутєски з 1:0, а потом у нєдзелю у Сивцу програли од Джурджина з 3:2. У обох тих утакмицох грали комбиновани состави Полета, а Сивчане насамшу провиру буду мац у стреду, кед на своїм терену дочекаю екипу Радничкого з Сомбора. У Крушчичу у дружебним стречаню змерели сили Младосц и Кула. Кула побидзела з 3:2.

Ђ.Боянич