Пред нами нови узбудзеня на спортових теренох

У 18. колу првенства у Србскей лиги, група Войводина, футболери Гайдука гостую у Панчеву, дзе ше змеря з тимом Динама. Куляне добри зацали пролево: донєсли бод з Зренянина, котри потвердзели побидством над Тисом, тож розумлїве же з вельким оптимизмом иду до Панчева. Квецово Радмановича и ушкодзенє Шакича означує нєизвесну початну составу Гайдука, алє тренер Желко Рачич наглашує же тим хтори зачне матч у тот момент найлєпши и же будзе можен дат свой максимум у дуелу з прямим ривалом у борби за опстанок. Дуель футболерох Динама и Гайдука у Панчеву ше одґрає завтра, а зачне ше у 15 годзини.

У 18. колу шампионату у Сомборскей подручней лиги футбалєри Црвенки прихосца дружтво Полета з Каравукова. Црвенчани вельми файно отворели яр, з двома убедлївима виграшками, и нєт причини же би так и нє продовжели, окреме же буду мац и подшору своїх прихильнїкох. Змаганє футбалєрох Црвенки и Полета з Каравукова на стадиону «Милорад Џомба» у Црвенки будзе одогране завтра, а зачне ше у 15 годзини. Остатнї два наши представителє у Подручней лиги свої змаганя одограю у нєдзелю. Липар пред своїма навиячами будзе хасцїц дружтво Будучносци з Парагох и найавює виграшку, а Русин з Руского Крстура у дербию кола будзе гостїц у Радничкого у Раткову. Домашнї су дружтво на трецим месце, з бодом вецей од Русина, котри у перших двох ярних колох здобули максимални учинок и указали кандидатуру на здобуванє другого места, котре водзи до баражу за поступанє до вишшого рангу. И змаганя у Липару и Раткову зачну ше у 15 годзини.

У 15. коле пренства у Сомборскей медзиопштинскей лиги першого класа з трох наших представнїкох лєм Кула домацин. У нєдзелю, на Ґедеру Кула дочека дружтво Задругара зоз Србского Милетича и победа є императив, кед Куляни хцу остати у гонї за першим местом. Полет зоз Сивца гостує у Алекси Шантича, а Младосц зоз Крушчича у Бачким Моноштору одгриє стречу зоз Дунавом. Кажди найавени стречи зачинаю у 14 годзини и 30 минути.

Футзалери Гайдука у чвертфиналу плей-офа Футзал лиги Войводини у пондзелок гостюю у Вршацу, дзе од 20 годзини и 30 минут зограю одветни стрече проти Форума. У першм дуелю у Кули Форум победзел з 5:4.

Жадзи ЕХФ тиждня того викенду мужского рукомету нє будзе, алє зато активни буду рукометарки. У 15. коле првенства у Першей лиги млади црвенчански рукометарки, дружство Лаки у дерби заду буде прияц Мокрин. Лаки є претпослїднї на таблици, Мокрин послїднї, та можеме ожидац перемогу младих Црвенчанок. Зустритє Лаки – Мокрин у хали Слободан Чиле Мишкович у Црвенки будзе одогране завтра, а зачне ше у 18 годзини. Наш други прволигаш, сивацки Круле у нєдзелю гостує у Зренянине дзе од 18 годзини одмера сили з Пролетером.

Кошаркаре Гайдука, по трёх победох заредом, у штвартим колє плей-офу у Првей регионалней лиги Сербиї гостую у Инджиї, дзе их чека дуел з Желєзнїчаром. Уважаючи противнїка, Куляни ришени продовжиц победни ряд. Стретнуце кошаркарох Желєзнїчара и Гайдука у Инджиї одогра ше завтра, а зачне ше о 17 годзини.

Одбойкаре Гайдука у 19. колу першенства у Другей лиги буду мац утре од 20 годзини и 30 минути у Новим Садзе змаганє з дружтвом Дунав волей. Домацин фаворит. Одбойкарки Гайдука у стрече 15. кола першенства у Првей войводянскей лиги у недзелю пред своїма фанушками буду витавиц дружтво з Апатину. Стреча будзе одограна у спортскей сали Основней школи «Петефи бригада», а зачне ше у 11 годзини и 45 минути.

У 20. колу першенства у Першей войводянскей лиги кугляши Гайдук су у сусїдским одмераваню сили у Врбасу домаци екипи Врбаса. Куляни муша побежиц, кед ше хочу пласирац до вишого рангу. Дуел кугляшох Гайдука и Врбаса у Врбасу будзе одгранї у нєдзелю, а зачне ше у 16 годзини.

У нєдзелю у Сивцу, у орґанизациї Тенис клуба «Сивац», будзе одогране Отворене першенство Сивца за тенисери и тенисерки такозваного оранжового уровню, а идзе о хлапцох и дзивчатох до 10 року старосци. Ожида ше участь коло двацец найлєпших малих тенисерох и тенисеркох з Академиї «Новак», Црвене звезди, Партизана, Войводини и других клубох, як и домацого Тенис клуба Сивац. Отворене першенство Сивца у тенису будзе свечано отворене у нєдзелю у 11 годзини, а отвориц го председатель Временого орґану Општини Кула Дамян Милянич.

Ђ.Боянич