Пред нами занимлїви спортски викенд

Гандбалисти з Црвенки у стреченю плеј-ауту за опстанок у АРКУС Суперлиги Сербиї витую дружину Шамот з Аранджеловца. З витязством над Обиличом з Беоґраду гандбалисти з Црвенки вецей маю шанси у бою за опстанок, а жебы их збувать, витязство над Шамотом є императив. У дружини „веверичок“ су того свесни, та кажу, же даду шицко од себе, жебы здобули два нови боди. Стретнуце гандбалистох з Црвенки и Шамота з Аранджеловца будзе одогране завтра у гали „Слободан Чиле Мишкович“, а зачне ше у 18 годзини.

У 14. колу првенства у Супер Б лиги рукометаре Сивца у своєй спортскей зали приявя екипа Вождовца з Беоґрада. Сивчани у стреду зоз лидером Колубаром грали неришено, зисце и емоционално ше висилї, алє з оглядом на граваньску искуство и факт же су домакини, мож очековац пету яру пролетну вигру. Змаганє рукометарох Сивца и Вождовца з Беоґрада у сивацкей зали будзе одогране завтра, а зачне ше у 19 годзини.

Млади црвенчански рукометарки, екипа Лаки, вечар пойду на терен. Тотож, у 13. колу првенства першой лїги Лаки гостує у Ади, дзе ше зостава з екипу Халаш Йожеф. Домаци су водзаца екипа на таблици и сигурно фаворити у шоречаню котре у Ади вечар зачнє у 19 годзини.

Футбалисти Хайдука у 24. колу шампионату у Сербскей лиги, войводянска ґрупа, гостую у Руми, дзе їх буде витала дружина 1. маї Рума. Румляни су шести на табели, граю на своїм терену и напевно маю предносц, алє з табору Хайдука поручую, же зоз максимально одговорним и дисциплинованим геранєм можу здобуц поволни резултат. Стречанє 1. маї Рума – Хайдук будзе одграте у Руми завтрє, а зачне ше о 15 годзини.

-У 21. колу шампионату у Войводянскей лиги, северна ґрупа, футболисти Црвенки гостую у Таванкуце, дзе ше стретаю з истоимену дружину. Црвенчани файно зачали яри, нанизали три победи и на крилах того успиху найавюю файни вести и з Таванкута. Стречанє футболистох Таванкута и Црвенки будзе одграте у Таванкуце вонєдзельок, а зачне ше о 15 годзини.

Футбалисти Русина у 21. колу шампионату у Сомборскей подручно лиги у Руским Керестуре дома приймаю дружину Омладинца з Буковца. И Керестурчани файно зачали яри, здобули три победи, подняли ше на друге место на табели и ришени су, же з победу над Буковчанами там и остану. Стречанє футболистох Русина и Омладинца з Буковца будзе одграте у Руским Керестуре вонєдзельок, а зачне ше о 15 годзини.

У нєдзелю на програму 16. коло првенства у Сомборскей медзиопштинскей лиги першого разреду. Футболери Кули на Гедеру приямаю Динамо з Бачкого Брега, Младосц у Крушчићу у дербию заднєй часци табели прилапи екипу Єдинства з Рибарева, Полет у Сивцу прияма екипу Омладинца з Дероня, а штвари наш представител у тима ступню змагань, Липар, вольни. Вшицки найавени стречнуци у нєдзелю зачну о 15 годзини.

У реваншовим стретнуци плей-аута у Футсал лиги Войводини Клуб малей копаней пребера Хайдук привитує Кикинду. У першім стретнуци у Кикинди домашнї виграли з 6:2, алє у табору Хайдука кажу же су квалитетнєйши и же то покажу и у реваншу. Стретнуце футсалерох Хайдука и Кикинди у хали Основней школи „Петефи бригада“ будзе у нєдзелю, а зачне у 19 годзини.

Баскетболисти Гайдука у плејофу првенства у Першей србскей лиги гостую и у Инґиї, дзе ше стретаю з Желєзничаром. У першім кругу плејофу, у стречи одограней у Кули, славел Гайдук з 74:65, знаду силину противнїка и можлїви кажди резултат. Стреч баскетболистох Желєзничара и Гайдука будзе у Инґиї одограна завтра, а зачне ше у 16 годзин и 30 минут.

Одбоєкари Гайдука у 15. колу першенства у Првей войводянскей лиги чекаю екипу Стражилова з Сремских Карловацох. Куляни маю за собу осем порядових победох, граю на своїм терену и сигурно су фаворити. Змаг медзи одбоєкарми Гайдука и Стражилова з Сремских Карловацох одограю завтра у спортскей сали Основней школи „Петефи бригада“ у Кули, а зачне ше о 16 годзини и 30 минутох.

У нєдзелю у Црвенки будзе одржани занимлїви спортски подїй. Реч о седецьовим одбојки. У нєдзелю будзе одогране друге коло Првей лиги Сербиї у седецьовим одбојки, а на дїлу буду дружтва одбоєкарских клубох инвалидох „Бања Лука“ з Беоґрада, „Борац“ з Нового Саду, „Феникс“ з Кикинди и „Црвенка“. Стретнуца буду одогране у спортскей хали „Слободан Чиле Мишковић“, перше зачина у 10 годзини, а стретну ше Црвенка и Бања Лука з Беоґрада.

Ђ.Боянич