Пораз Црвенки од Младосци з Бачкого Петровца

Футбалери „Гайдука“ з Кули записали осми пораз у першенстве Србскей лиги ґрупа Войводина. У єдинейстом колу першенства Куляни на гостованю у Панчеве програли „Динаму“ з 2:1. Факт же футбалери Гайдука у Панчеве виступели без єдного з найбаржейших игрокох Душана Миїча, хтори мушел паузовац за жутих картонох, же ше у ходе матчу порани голман Брач, и у тим треба глєдац причини поразу. Почесни гол за екипу „Гайдука“ у Панчеве дав Ерак. По єдинейстом колу „Гайдук 1912“ є штирнасти на таблици з 9 освоєнима бодами, а у наступним колу пред своїма навиячами дочека екипу „Бечея“.

У одинадцетим колу першенства у Воєводянскей лиги ґрупа Север футболери «Црвенки» пред своїма навиячами преграли од «Младосци» з Бачкого Петровца з 5:0. Кед ше ма на уме же у десятим колу у Врбасу преграли з 7:0, «петарда» на домашнїм терену указує же штось не штимує. Футболери «Црвенки» мали проти «Младосци» двох шанси на початку утакмици, не вишаковали их и настала кара. А кед у завршници першого часу остали без капітана Суботича, котри завадзованє бул виключени, було ясне же бодови пойду до Бачкого Петровца. Понїж тей поразки футболери «Црвенки» су одзінасти на табели з 13 здобутих бодох, а у наступним колу идзу на гостованє до Апатина, дзе одмераю сили з екипом «Младост АПА».

Футбалери „Русина“ у 11. колу чемпионату Сомборскей околичней лиги, пред своїма припознательми у Руским Керестуре, перемогли дружтво „Будућности“ з Младенова зоз 2:1. Обидва голи за дружтво „Русина“ забил Деян Давидович. „Русин“ є осми на табли з 17 здобутих бодох, а у шлїдуюцим колу знова пред своїма припознательми витую дружтво „Маглича“.

Футбалери „Липара“ везали пейту послїдовну победу у Сомборскей медзопштинскей лиги перши розряд. Липарчани у єденадцетим коле првенства, на гостованю у Оџаци победзели „ОФК Оџаке“ з 2:0. Ґоли за „Липар“ дали Лалић и Јањић. Сивацки „Полет“ у Рибареву з екипом „Єдинства“ грал нєришено 2:2.  Ґоли за „Полет“ у Рибареву дали Максимовић и Ромић. Осталї двоми наши представителє на тей уровнї змаганя записали порази. „Кула“ на гостованю у Дероњох програла од водзачого „Омладинца“ з 2:1, гол за Кулу дал Букејловић, медзим же „Младост“ з Крушчица на гостованю у Алекси Шантићу з 3:0 програла од домацей екипи „Алекса Шантић“. По тим коле „Липар“ є пети на табели з 21 бодом, „Полет“ осми з 17, „Кула“ девета з 16, а „Младост“ тринаеста з 10 бодами. У дванадцетим коле првенства, шицки штири наши представителє су домацини. „Липар“ витує „Дунав“ з Бачкого Моноштора, „Кула“ є домацина „Хайдуку“ з Стапара, „Полет“ у Сивцу витує водзачого „Омладинца“ з Дероњох, а „Младост“ у Крушчицу одмери сили з „Тереквешом“ з Свилоєва.

Ђ. Боянич