Покраїна розписала конкурс за ученикох штреднїх школох у Войводини

Асоцияция Културанова у сотруднїцтве з Покраїнским секретариятом за образованє, предписаня, управу и национални меншини-национални заєднїци, розписала наградни конкурс за вибор видео роботи на тему „Мултикултуралносц и етнїчна розличносц у Войводини”, на хторим право участи маю ученики штреднїх школох з АП Войводини.

На Конкурс ше подава видео-материял краткей видео-формы (анимация, филм, клип, презентация и други форми видео) у длужини од єдней до 10 минути, котри ше занїма мултикултурализмом и етничну розличносцу, хованьом и улєпшованьом медзуетничней толеранциї або хованьом културней тотожносци єдней або вецей етничних заєднїцох з Войводини.

Теми медзи иншим мож обрабяц и преку представянє вецейязичносци и вецейязичней интеракциї через розлични форми уметнїцкого виражованя, як музика, театер, танєц, преку представянє вецейязичносци у розличних формах видео, як анимация, филм, кратки видео-клипи, як видео-представянє мултикултуралней форми уметнїцкого виражованя, наприклад вецейязични представи, виступи, перформанси або кратки интервюя на тему вецейязичносци и поглядох младих на тему мултиетнїчносци. Мож то буц и видео-представянє специфичних и автентичних етнографских елементох култури националних заєднїцох, як обичаї, манїфестациї, фолклорни елементи, алє и облики з сопровожадзацим пояснєнєм автора у видео-формате.

Роботи и сопровожаюца документация подаваю ше у електронскей форми прек апликациї на интернет страници Секретарияту за образованє до 28. децембра.

РТВ