Победни пехар у руках домацих

Сивац бул минути викенд у знаку рукомету, боци тукашнї рукометни клуб „Сивац 69“ бул домакин шеснацтого по реду мемориялного турнира „Владе и Новак“, котри Сивчани организую на памет своїх двох траґично загинутых членох Влада Џувера и Новака Стијеповића. Покрам домакина „Сивац 69“ на Мемориялу виступели супер Б лиґаши Врбас и Црвенка, як и прволиґаш Херцеговац з Гайдобри.

Тогорочнї турнир у суботу отворел председатель општини Кула Дамян Милянич, истичуци же му чицци честь же може отвориц таке рукометне збирку, а честь отвориц го як игроки припадла Червенки и Херцеговцу з Гайдобри. Гор як перши полчаса виришели у свою пользу з 20:16, рукометаши Червенки пласиранє до финалу обезпечели аж лєпшим вирушованьом седмерцох, победзели з 39:38, бо ше регуларна стреча закончела нєвирушено 37:37. Потом сили одмерели домашнї Сивац 69 и Врбас. Победзел Сивац 69 з 27:23, хоть млади Врбашани перши полчаса виришели у свою пользу з 13:11. Так у нєдзелю, другим турнирним дньом, у стречи за треце место грали Врбас и Херцеговац. Славели Врбашани з 40:21, и так здобули треце место, а Херцеговцу припадло штверте место. У финалу, у змаганю тимох з Супер Б лиги, домашнї Сивац 69 бул лєпши противнїк и заслужено победзел Червенку з 36:33, полчас 21:13, и так здобул победни пехар, дар Рукометного союзу Войводини. По одограним финалним матчу награди найлєпшим одручили младе Катарина Чабаркапа и Ивана Тркля, дзивки покойних сестрох Новака и Влада, на паматку котрих турнир и орґанизовани. Кажда екипа учаснїца достала диплом, „Сивац 69“ победни пехар, а медзи поєдинєчнима признанями, и тоти припадли членом Сивца: найлєпши голман Марко Максимович, а найлєпши игрок и стрелац мемориялного турнира „Владе и Новак“ Марко Чабаи, котри у двох стречох пострелел 21 гол.

Футбалери Хайдука розчаровали, бо у стреченю третого кола чемпионату у Србскей лиги ґрупа Войводина на своїм терену були поражени од Динама з Панчева з 1:0. Госци заслужено славели, бо особлїво у першым полчасу у каждим елементу гочаня били лєпши од екипи Хайдука, котра лєм даскаючим одбранами младого голмана Дринчича до другого полчасу пришла з минималним заостанком. Домаци мали у другей часци можлївосци прийсц до виривнаня, алє лєпши шанси у другей часци на звекшанє предносци мали футбалери Динама и, кед ше вше зрахує, заслужено одноша бодове до Панчева. Хайдук є седми на табли з 4 здобути бод, а у насамшнїм колу идзе на гостованє екипи Стари град у Бачку Паланку

Нєуспешни були и наши представителї у Сомборскей подручней лиги, у хторей змаганя Црвенка, Русин з Русского Крстура и Липар. Русин як домацин у Руским Крстуре програл Радничкому з Раткова з 4:0. Црвенка и Липар гостовали и тиж записали поражки. Црвенку у Каравукову победзел Полет з 2:1. Домацин у першым полочасу, по хибох гравцох Црвенки, повел з 2:0. Црвенчане у другей части були лєпши, нападали, алє з голом Бабича им удалось лєм зменшиц поражку. Липар на гостованю у Парагáх програл Будучносци з 4:1. Почесни гол за Липар дал Несторович. По трох одграних колох првенства Црвенка є десиата, а Русин дванадцяти з 3 бодами, док Липар шейсти з єдним бодом. У насамшим коле на програму општински дерби: у Црвенки стрешну ше Црвенка и Русин з Русского Крстура, док Липар на своїм терену прийме екипу Будучносци з Гложана.

Одогране друге коло чемпионату у Сомборскей медзиопштинскей лиги перши розряд. Футбалери Кули обрадовали, котри у першім колу були поражени на своїм терену, а у другім як госци победзели екипу Задругара у Србским Милетичу з 4:1. Два голї за Кулу забил Гусак, а по єден Попович и Лицембергер. Полет у Сивцу з екипу Алекса Шантича грал нєроздїлено 3:3, полчас 1:1. Стрелци за Полет були Ромич з пеналу, Вукашинович и Фуртула. Искусни Радомир Ромич мал можлївосц буц двойни стрелац, алє промашел други досуђени пенал. Младосц у Крушчичу победзела екипу Дунава з Бачкого Моноштора з 3:0. Два голї за Младосц забил Дарко Ґрдинич, а єден Милан Медоєвич. Полет тераз пети на табли з 4 бодами, а Кула седма, а Младосц девета з по 3 бодами. У насамшнїм колу Кула на Ґедеру принима БСК з Бачкого Брестовца, Полет идзе на гостованє Дунаву у Бачки Моноштор, а Младосц з Крушчича гостує у Омладинца у Деронях.

Минулый спортови викенд означел и стречу ветеранох футболских клубох Црвена звезда з Беоґраду и Липару, котра у пяток була одограна у Липару, у рамикох обелєжованя сивней слави Велика Госпойина, як и стогодишнїци основања села Липар. Беоґрадчани пришли звеличиц славносц, предводзени легендами Милошом Шестичом, Станиславом Карасиєм, Здравком Боровницом, Недєльком Милосавлєвичом, Милошом Бурсачом, Ненадом Ваничом и другими, а витали їх липарски легенди Весо Кокотович, Мирко Ковач, Джурика Сабо, Видак Радулович, Миливойе Четкович, Мирослав Зракич и други.

Змаганє було використане на то, жеби поєдинком одало заслужене признанє за заслугу у розвою футбалю у Липару, та клупски плакети були вручени посмертно учителю Ђорђу – Ђоки Милеуснићу, Радославу Баришићу, Станку Матићу, ветеринару Драгану Николићу, Светозару Буквићу, Ђорђу Ковачу, Драгомиру Дејановићу, учителю Милошу – Милету Његовану и Вељку Зракићу – Керию. Плакети прияли їхови потомки, а плакета за заслуги у розвою Футбалского клубу „Липар“ була присудзена и нашому славному борцу Давору Штефанеку, предсидателю Спортского союзу Сербиї. Хоча на ревиялних змаганьох резултат все у другому плану, най остане записане, же ветерани Црвене звезди побежели ветеранох Липара з 5:1, а же почесни гол за Липар постигнул Миливойе Ћетковић.

Ђ.Боянич