Пандемия одкладує шпортни подїї

Пандемия корона вируса бере свою дань и кед идзе о спорт. Многи спортски змаганя нє були одржани, а и тоти, котри ше одржую, у великей мири зависни од актуалней епидемиолоґийскей ситуациї; гра ше без глядальнїкох, з найменшим можним числом участников. А логичне питање: якей спорт без публики? Само по себе, ясне же здравє на першом месце, та є розумицельни и тоти рестриктивни меры. Зачати з таку ситуацию, и спортски орґанизациї ше труца давать свой вклад до прешеня ширеня корона вируса. То потвердзую и приклади. Одбойкарски союз Сербиї принєсол одлуку, же ше улапа усек змаганя у компетенциї того союза застановя и буду продовжени 11. децембра. Та одлука влєкла и єден з наших спортских колективох – Одбойкарски клуб Хайдук, котри змага ше у Першей войводинскей лиги и котри по шейсцох колох шампионату ма друге место на табели з 16 бодами. И у рукометней спортовей области є подишна ситуация. Прето проблемом з неприлапливу епидемиолоґийску ситуацию, Управни одбор Заєднїци клубох Супер Б лиги, котра ма медзи своїма надлежносцами и утвердзованє календара змаганьох, послал Рукометному союзу Сербиї предлог Одлуки о зменьох календара змаганьох, у котрим предложене же шампионат у Супер Б лиги будзе преривани и наставени 22. фебруара змаганями дзесятого кола, же змаганя 9. кола, котри мали буц одграти у дньох викенда, буду одграти 15. фебруара, а же неодержани змаганя з шестого, седмого и осмого кола муша буц одграти до 15. децембра. Та одлука ма влиєв на активносци Рукометного клуба „Сивац 69“, котри є членом Супер Б лиги и котри по осмох одграних колох шампионату ма седме место на табели з 7 здобутих бодох.