Општина Кула розписала Явни позив за роботодавцох

На основи договору о реализованю проєкту „Розвой интегрованого одрживого систему социялней защити“, хтори Општина Кула як носитель проєкту и Здруженє „Плава птица“ Кула як партнер при реализованю проєктних активносцох спровадзує у сотруднїцтве з проєктом Нїмецкей розвойней сотруднїци „Подпора социялному включованю у Сербиї“, локална самоуправа розписала Явни позив за роботодавцох за хаснованє субвенцийох за роботне анґажованє и замесцованє новозамесцених особох.

Циль явного позиву уможлївиц рівноправни приступ тржищу роботи шицким ранївим ґрупом населєня, а предовшим нєзамешканим женам, жеби ше обезпечели условия за приступ до роботи, здобуванє роботного искуства и побиванє на тржищу роботи под єднакима условиями без огляду на пол, националне, религийне, економске, културне и социялне положенє, сексуалну ориєнтацию або инши особни властивосци, котри ше вважа за нєоддвоїму часц особносци.

Пријави ше подава найпознєйше до 8. августа о 14 годзини пошту на адресу: Општина Кула, Ленїнова 11, Канцелария за локални економски розвой або прек писарнї у будинку општини, Ленїнова 11, з обовязним означенєм на коверти – Явни позив за роботодавцох за хаснованє субвенцийох за роботне анґажованє и замесцованє новозамесцених особох.