Општина Кула достала средства на виградованє водоводней мрежи у Новей Црвенки

Предсидателька Покраїнскей влади, Маја Гойкович, оддала договори о додзельованю финансийних средствох представнїком 29 локалних самоуправох у Автономней покраїни Войводини, медзи котрима и Општина Кула.

Самоуправованю Кула су придзелєни средства у суме приближно 28 милийони динари за финансованє проєкта „Будова водоводней мережи у насельоню Нова Црвенка – закончованє першої фази и друга фаза“. Средства обезпечени преко Управи за капитални вложеня АП Войводина, у рамкох укупней подшорки од 2,64 милиярди динари за реализацию 33 проєктох на териториї Покраїни.
Уговор у мено Општини Кула подписал председатель Општини, Дамян Милянич.

Циль тих вложений є ровномирни регионални розвой, поквалїцованє локалней и регионалней инфраструктури, як и покрашованє квалитету живота гражданох по цалей Войводини.

Председателька Покраїнскей влади наглашела же реализација тих проєктох, окреме у области транспортней инфраструктури, придуноши к лєпшому повязаню на териториї 17 општинох и городох, включно и Општину Кула.