Одржана схадзка Штабу: инспектори поячує контролу обєктох

Днєска одограна седнїца Штабу за вонредни ситуациї општини Кула, на котрей членове Штабу розправяли о актуалней епидемиолоґийней ситуациї у општини Кула и приправеносци зимскей служби.

Председатель општини Кула и командант Штабу Дамян Милянич повел же ситуация у Општини нєстабилна, бо у остатнїх днях вельки число пациєнтох зоз знаками акутней респираторней инфекциї обисцело Ковид амбуланту и же є вельми важне додржованє мерох.

Миладин Пикула, руководитель Оддзелєня за инспекцийни послови у Општинскей управи, зазначел же инспектори уж зачали инспекцию и саветодавни обиход угостительских и других обєктох, а записник ше достава санитараней инспекциї у Сомбору, котра будзе далєй водзиц поступок. Додал же при контроли зистали же обєкти у великей мири нє придржую ше мерох, як и же буду подати пријави за нєпоштованє робного часу.

Предсидатель општини Кула и командант Штабу Дамян Милянич заключел же потребна пояцана контрола у шицких явних установох, угостительских и других обєктох, як и же треба почнуц кажньованє шицких хтори нє придржую ше тих мерох.

Деян Алексич, координатор за роботи зимскей служби Општинскей управи Кула, повидзел же була виконана провера и преглєд машинериї зимскей служби и же зимска служба готова, та же окрем машинериї набавене доста солї и ризли, а у плану, окрем дорог першого и другого приоритета, и дороги третього приоритета буду правилнє оддржавани.