Нова наредба - пензионери завтра до продавнї

На засиданю Штабу за ванредни ситуациї командант Штабу принєсол Наредбу, з котру ше приказує власнїком вшитких малопродайних обєктох на териториї општини Кула же муша 30. априля 2020. року (штверток) обмеджиц робни час з купуюцима у малопродайних обєктох и то:

• за гражданох старших од 65 роки од 04:00 до 07:00 годзини;
• за остатнїх потрошачох од 08:00 до 17:30 годзини
• же би нє буле длужого задржиманя пред и у обєкту продажу;
• же у истим часе у продаванї нє може буц вец особох, число купяцих може буц єден купяци на десяц квадратних метрох;
• же би реґуларно дезинфиковали свої обєкти.

Пяток 01. 05. 2020. року малопродайни обєкти нє буду робиц (полицийски час). Тиж так, донєшени Заключок жебы ше уможлївело хаснованє спортских теренох на отвореним простору на териториї општини Кула, што подразумева:

• же директори ЯКП на териториї самоуправованя Кула омогужа монтирац (поставиц) коши, голмански стативи, одбойкарску сїтку и друге на спортских теренох, дзе були демонтирани (зняти);
• же би директори ЯКП на териториї општини Кула омогуцели кошенє зелених площох (трави) при приступох и на самих спортових теренох;
• же директори ЯКП на териториї самоуправованя Кула омогужа дезинфекцию спортских теренох на отвореним простору.