Нова Црвенка забезпечена защитнима средствами

Командант Штабу за ванредни ситуациї општини Кула Дамян Милянич и директор ЯКП „Комуналац“ Кула Марко Пешич обишли днєска найменшу Месну заєднїцу општини Кула, Нову Црвенку, жеб доставя дезинфекцийни средства и защитни маски за приоритетни ґрупи. Милянич наглашел же каждодньово є у контакту зоз вшиткима представниками установох, алє же жада и особно ше увериц яква ситуация на терену, обзиром на ванредну ситуацию у нашай держави. Хоч Нова Црвенка мала Месна заєднїца, нєт усамлена и нєт забута, а днєска ту почне и дезинфекцию уличох, повесцел председатель општини Кула и командант Штабу за ванредни ситуациї Дамян Милянич. Додал же було плановане же ше у понєдзельнїк почне зоз явну набавку за реконструкцию простору хтори наменьени пензионером и младим, алє тота ситуация то трошка одложи, бо пріоритет маю мерки за защиту здравя людзох. Милорад Тунгуз, председатель Совиту МЗ Нова Црвенка, повесцел же гражданє придржую ше предписаних меркох и же Месна заєднїца доступна гражданом за вшитко цо потребне, а вшитко цо нє може вирешиц, посила на Кол Центер општини Кула.