Неришене и поразка рукометарох
Рукометари з Црвенки ше од своїх фанушох до ярней часци чемпионату розлущели граючи нерешено з екипу Єдинства з Нового Бечея – резултат 24:24. Кед ше узме до уваги факт же гости у 43. минуту мали шест гол
Рукометари Црвенки ше од своїх навиячох до яришей часци првенства розлучели граюч неришене з екипу Єдинства з Нового Бечея – резултат 24:24. Кед ше узме до уваги факт же гости у 43. минуту мали шест голи предносци, з освоєним бодом вибраники Радосава Ковачевича можу буц и задовольни, и кедз мали нагоду у послїдней минуте дойсц и до победи. Найефективнєйши у редох Црвенки бул Ивич з 8 голами. Рукометари Црвенки закончили яришу часц првенства на другим мести на табели з 17 здобути бодами.
Наш другий представител, Сивац 69, у последнїм колу єсенскей часци першолигового чемпионату на гостованю у Сремскей Митровици препущел Срему з 29:24. До половини другого полувремену рукометари з Сивца були равноправни, цо потвердзує и резултат 17:17 у 44. минуту, алє потом им дошло концентрациї, домашнї робя серию 4:0 и по тим з рутиновану гру приводза сусрит ку концу. Найефективнєйши у редох Сивца бул Беслаћ з 5 голами. Сивацки рукометари окончили єсенску часц першолигового чемпионату на десятим месце на таблици з 7 здобутих бодох.
У општинским дербию 10. кола првенства у Првей сербскей лиги кошаркаре Гайдука у Црвенки победзели домашню Црвенку з 94:86, полочас 45:39 за Гайдук. Стретнуце прешло у вельми фер и коректней борби, а Куляни оправдали ролю фаворита. Уж у першой четвертини здобули предносц од 6 боди, з котру одходзели и на одпочиванє. У другей часци млади кошаркари Црвенки покушали дотигнуц ту предносц, алє нє мали доста концентрациї и бодове заслужено припадли Куляном. По тим колу кошаркари Гайдука су седми на табели з резултатом 5 победи и 5 поразки, док Црвенка послїдня з єдну победу и девец поразками. У наступним колу кошаркари Гайдука приявяю екипу Радничкого з Ковина, а Црвенка идзе на гостованє до Светого Юрія у Житишту.
У 10. колу першенства у Другей српскей лиги кошаркаре Сивца на гостованю у Новим Садзе програли екипи Стар з 105:64. Резултат найяснєйше поведа о одношу сили на терену. Сивацки кошаркаре шицкого часу су дванацати на табели з билансом 2 победи и 7 порази, а у 11. колу витую екипу Тиси з Бечея.
