Министерка Милица Ђурђевић Стаменковски була на робочей навщиви у општини Кула

Министерка за роботу, замесцанє, борачки и социялни питаня, Милица Ђурђевић Стаменковски, була на робочней навщиви у општини Кула. Министерка найперше навщивела просториї Удруженя ветеранох Жандармериї „Княз Михаило“ у Кули, дзе мала можлївосц убедзиц ше о поступку роботох на тим обєкту, котри уж и теперь импозантни, а у розговору з членами удруженя министерка ше познакомела з планами, же тот простор по окончаню реконструкциї преєдна на мемориялни центер. Окрім министерки Ђурђевић Стаменковски, на навщиви були и помоцнїк министра Душко Ћутило, и държавна секретарка у Министерстве за опеку о фамелиї и демографию Сања Лакић. Окрім домацих, членох УВЖ „Княз Михаило“ и предсидателя Небойши Богуновића, министерку и єй делегацию дочекали и предсидатель Општини Кула Дамян Миљанић, заменїк предсидателя Општини Карољ Валка, помоцнїки предсидателя општини Марко Кошутић и Јелена Павков, и членки Кола србских сестрох. Потом министерка навщивела Удруженє за помоц нєдостаточно розвити особи „Плава птица“, котре тото року слави 29 роки екзистенциї. У мену домацих слови захвалносци за навщиву висловела директорка Удруженя Ивана Зазуљак Папуга, а при тей нагоди хасновательом вручена и народзенска торта. У рамикох навщиви министерка ше познакомела з програмом биваня з подршку за особи з инвалидитетом, котри ше применює вецей роки и котри ше указал як приклад добрей пракси. Закончуюца часц навщиви одбувала ше у населєним месце Нова Црвенка, дзе гости обишли роботи на обнови Споминкового парку солунским добровольцом и основачом Новей Црвенки, а в рамикох програми присутним ше обрацели историчар Угљеша Слијепчевић и песнїк Јован Батинић. Потом була организована трибуна з жителями Новей Црвенки, дзе ше присутним обрацели министерка и предсидатель Општини. Покрай них, на трибуни були и представителє Дому здравя Кула, Националней служби за замесцанє, Предшколскей установи „Бамби“ и Месней заєднїци Нова Црвенка. Гвареци о тей навщиви, министерка Ђурђевић Стаменковски наглашела, же при преузиманю ресору обецала, же Министерство нє будзе лєм адреса у столичним месте, та же вона и єй тим пойду людзом напороти и буду присутни на терену. Министерка нагласела и то, же єй велї мило, же найперше навщивела Удруженє ветеранох, бо то праве вони бранєли и крвавели за нашу отадзбину: „Кед сом преузела ресор посвецини роботи, замесцаню, борачким и социялним питаньом, у мену тиму, котри водзим, поручела сом, же наше министерство нє будзе лєм адреса у столичним месте, та же пойдземе людзом напороти и будземе присутни на терену. Праве прето ше посвецуєме людзом, и то тим, котри були гатови за отадзбину и народ дати вше, а найчастейше за то нїч нє жадац. На першом месце то борци, котри бранєли отадзбину у ослободзительних войнох од 1991 року, а нєкеди и по 2000 року у конфликтох на югу нашого краю; котри страцили вельо и котрим пререзана младосц, алє котри, без огляду на вше то, маю обецку своїм загибнутим товаришом, фамелиї и ґенерациям котри приходза, же ше нє забуде на їх подвиг и жертву. Праве прето сом навщиву општини Кула започала у доме наших борцох, и ту втканя їх любов. Вони вше то практично сами осмислєли, з подшорку локалней самоуправи и министерства, котре будзе и надайлєй покровителєм так значних проєктох. Ту и женщини з Кола србских сестрох, што указує на солидарносц нашого друштва коло значних темох. Мусиме хасновац идентитет, нашу историйку и нє можеме допущиц, жеби хтори колвек робел ревизию историчних фактох. Тиж нє можеме забуц, хто ми, бо як то забуциме, нїґдзе нє дойдземе. Кед гвариме о системи социялней защити, наш циль же го додаточно унапредзиц и, як сом уж повидала, буц блїзко з нашим народом и розгваряц з людзми. Кед ми ше находзели у Министерстве за опеку о фамелиї, ми як тим людзох одходзели до найзабутнїших краёх и у шали повидали, же ше нам подарело дойсц аж и до сриду Бачки“ Днесь поставени нови голї у сали у Црвенки, котри министер младих и спорту, Ваня Удовичич, обисцал медзи своєй навщиви предходней недїли.