Кула и Русин грали нєпорівняно

У општинским дербию, одограним у рамикох 9. кола чемпионату у Сомборскей подручней лиги, вчора на Гедеру Кула и Русин з Руского Керестура грали неришено 2:2. Прву часц гри Кула голом Войновича ришела у свою корист, та же у другей часци найпрвей Рац, а потом и Бранкович довели Русин до водзеньства, а голом Златича Кула предлужела здобуц бод. Остатнї наши два представнїки Липар и Младосц з Крушчича утриманя против Граничара з Гакова и Радничкого з Раткова виграли по 3:0, службеним резултатом, бо им противнїки нє пришли на утриманє. Русин є штверти на таблици з 17, Младосц пета, а Липар шеста з по 16, док Кула чтирнаста з 7 бодами. У наступней коле Младосц у Крушчичу витує Шикару з Сомбора, Русин у Руском Керестуре дома витує Борца з Бачкого Грачца, Липар идзе на гостованє до Хайдуча у Стапару, док Кула гост Омладинца у Буковцу.
Рукометари Црвенки у 4. колу првенства у Супер Б лиги на гостованю у Панчеве програли од Динама з 31:16, полчас 16:8. Кед ше програ з 15 голи розлики, теди ше нє може беседовац о ниякей грї. Рукометари Црвенки су єденадцаци на табели з 2 бодом, а у насамишлїм колу дочекаю Колубару з Лазаревца.
Рукометарки тиму Лаки у 4. колї прволигашкого шамионату пред своїма прихильниками победели Словен з Руми з 25:20. У редох победителя ефикашносцу ше одликовали Димитрич з 8 и Маринкович з 7 голами. Рукометарки тиму Лаки тераз треци на таблици з 5 бодами, а у шлїдуюцей колї идза на гостованє до Темерина.
Успишни були и млади гандбалери Црвенки, котри у 5. колу друголїґового пренства на своїм терену побидзели Младосц з Вршацу з 33:32. Вельо добри у дружини Црвенки бул Саво Славулица, котри забил 13 голи. Наш други представнїк Сивац 69 того викенду одпочивал, бо змаганє з новосадскей Славию одложене за 21 октобер.
Знова ше врацаме к футболу.
Футбалерки Полета у 5. колу пренства у Першей лїґи на своїм терену у Сивцу побидзели Лавице-Дубочицу з Лесковца з 2:0. Сивчанки су ошолєдна на табели з 9 бодами, а у шостим колу пойду госцовац Шумадиї до Крагуєвца.
Футболери Полета у 9. колє пренства у Войводянскей лиги ґрупа Бачка утрпели дальшу поразку. На своїм терену у Сивцу Полет програл Братству з Приґревици з 3:0 и остава сами на дне табели. Полет последнї на табели з 4 бодом, а у наступним колє идзе на гостованє Бачкей до Пачира.
У 7. колє првенства у Сомборскей медзиобштинскей лиги Гайдук юниор у Кули победзел Дунав з Бачкого Моноштора з резултатом 7:1, и так записал шедму победу за шедом. Други клуб з Кули КФК як домацин записал поразку, програвши Металцу з Сомбора з резултатом 6:1, док Црвенка на гостованю у Купусини програла Партизану з резултатом 1:0. Гайдук юниор перши на таблици з 21 бодом, Црвенка шеста з 11 бодами, док КФК нєма ани єден освоєни бод. У насампредшим колє Црвенка дожицка Ядинство з Рибарова, Гайдук юниор иде на гостованє до Динама у Сонти, а КФК буде гостовац у Колуту, дзе ше стретнє з Ядинством.
У другей колу шампионату у Другей футсал лиги Сербиї Клуб малей копанкарскей ґри Гайдук у Србобрану препадол од домацина Србобран з 8:2. У трецей колу шампионату Клуб малей копанкарскей ґри Гайдук дочека Кикинду.
Баскетбалски колективи з кулскей општини, котри змагаю ше у Першей србскей лиги, нє були успишни. Баскетбалери Гайдука пред своїма навиячами преграли од Академика з Србобрану зоз 99:84, док баскетбалери Црвенки на гостованю у Новим Бечею преграли од Єдинства зоз 89:71. И Гайдук и Црвенка маю записани по двоє поразки, а у наступним колу першенства Црвенка отримує Футог, док Гайдук идзе на гостованє Тополи до Бачкей Тополи.