Явни позив на участвованє у програму промоциї поднїмательства и самозапошльованя

Министерство господарства розписало Явни позив за подношенє жаданьох за кредити обезпечени з гаранцию Фонду за розвой и учасц у безплатним обучованю у складзе з програмом промоциї поднїмательства и самозамошльованя. Програм промоциї поднїмательства и самозамошльованя спровадзує Канцелария за управлянє явнима улаганями у сотруднїцтве з Фондом за розвой Републики Сербиї и з одборну помоцу КФW-а. Право поднєсц жаданє за кредитом у партнерскей банкох, як и право на додзелєнє безповоротних средствох маю микро, мали и штреднї подприємства и поднїмателє. Програм так же подпорує финансованє младих поднїмательох старих 18-35 роки, женьох поднїмательох, вратнїкох и поднїмательох хтори улажу до ґаздовского сектора. ММСП-ове и поднїмателє муша буц початнїки у поднїманю. Кед господарски субєкт уж роби, нє може екзистовaц длше як 24 месаци у моменте подношеня жаданя. Програм склада ше з 4 компоненти:

1. Гаранция за кредити котри схвалєни одоз боку дзелательских банкох, котри преко явного позиву вибрани на учасцованє у Програму. Гаранция покрива 60% каждого поєдинчного кредиту, врахуюци суму редовного камату (за кашнєня до 90 календарних дньох од датума послєднього неисплаценого ануитета) у римкох максималного проєктованого портфеля кредитох за каждзу партнерску банку. Дзелательска банка задржує остатнїх 40% ризика. 2. Схвалєня поволних банкарских кредитох одоз боку партнерских банкох 3. Виплацованє безповратних средств (гранта) позичательом котри сполнє условия предвидзени Програмом 4. Забезпечованє стручней, безплатней помоци и подшкири при виготовйованю плану блудованя и далєйшим роботованю преко менторского програму котри спровадзує Привредна комора Сербиї.

У складзе з Програмом, кредити схвалєни од партнерских банкох можу ше хасновац за финансованє инвестиционних вкладаньох (закупка виробней опреми, машин, построєньох, саднїцох, купованє або адаптацию пословного або виробного простору и подобне), за финансованє оперативних трошкох роботованя у складзе з интернима процедурами и кредитну политику пословней Банки. Видох трошкох котри ше считаю оперативнима трошками роботованя утвердза интерни акти партнерскей банки. Средства кредиту ше нє можу хасновац за финансованє дїялносци котрих финансованє нє дозволене по последнєй листи таких дїялносцох котру видала Медзинародна финансийна корпорация (ИФЦ), ани за финансованє других дїялносцох котрих финансованє було у спротивносци з домашнїма предписанями, заключенима медзинароднима угодами або з намену и цилями того програма. Средства з кредиту ше нє можу хасновац на: – плаценє кредитних сплатох, анї на реструктурованє кредиту; – сплаценє кредиту у другей банци. Оперативни трошки роботованя можу участвовац найвецей до 30% у структури цалого инвестиционного вкладаня. И на ту часц кредиту ше применю условия за инвестициони кредити. Укупно расположиви средства за реализацию того програма су 300.000.000,00 динари. Од наведзених средствох, 250.000.000,00 динари наменьене на спровадзованє Програма промоциї поднїмательства и самозапошльованя, док хтори износ 50.000.000,00 динари наменьени на трошки спровадзованя програма обуки и менторованя. Привредни субєкти котри сполня условия Програма можу здобуц право на финансийну подпору у видзе бесповратних средствох у износу до 20%, у зависносци од износу инвестициї. Инвестиция представя вкладанє котре ше финансирує зоз средствами з Програма и нє обнима партиципацию хаснователя кредиту. Кандидати котри ше хочу пригажовац за участвованє у Програму можу ше информовац о Програму и його условий на интернет презентациї Министерства привреди, Фонду за розвой, Привредней комори Србиї и Канцелариї за управянє явнима вкладанями.