И у часе Васкршнїх празнїкох було спортских подїй

Футбалєри Гайдука у 27. колє пренства у Србскей лиги ґрупа Войводина пред своїма навиячами победзели Червену звизду з Нового Саду з 3:0. Же би остварели победу, футбалєри Гайдука мушели вложиц максимум напору, а напор ше виплацел у самим финишу стречи, кед найперше голом Давидова з пеналу, а потом з двома голами Зличича, обидва на асистенцию Давидова, остварена очекована победа. „Гайдук 1912“ є други на табели з 57 бодами, а у насамшому колє идзе на гостованє „Дунаву“ до Старих Бановацох.

Футбалери „Црвенки“ у 23. колу првенства у Войводянскей лиги гостовали у Апатину, дзе одмерели сили з дружтвом „Младосц АПА“. Домачин славел з 3:1, хоч „Црвенка“ перши полчас ришела у свою корист з 1:0, голом Шакича. На початку другого часу Апатинчани вирунали, а потим Црвенчани пропущели три нагоди за нове водство и наслїдовал трест: за двa минути два голи футбалерох „Младосци“. „Црвенка“ є седма на табели з 30 бодами, а у наступним колу прийма „БСК“ з Бачкого Брестовца.

У 24. колу првенства у Сомборскей подручней лиги „Русин“ з Руского Керестура здобул победу. На гостованю у Оджацох, голом Бояна Бранковича, „Русин“ пребедзел „ОФК Оджаке“ зоз 1:0. „Кула“ на Гедеру грала нєрешено з „Кулпином“ 2:2. Гости повели, потим „Кула“ голами Букеиловича и Анджелковича здобула предносц, алє гости у самей концовки стречованя вировнали и однєсли бод. „Липар“ на гостованю у Пивницох програл „Славиї“ зоз 2:0, а сивацки „Полет“ у Гайдобри програл „Гєрцеґовцу“ зоз 3:1. „Русин“ штверти на табели з 41 бодом и єдини з наших представнїкох котри може буц спокійни, док медзи тим три останши бега о свой статус. „Кула“ тринацати з 28, „Липар“ штирнацати з 23, а „Полет“ пятнацати з 21 бодом. У насамотним колу „Липар“ прилапя дружтво „Борца“ з Обровца, „Русин“ домацинує „ЖАК“-у зоз Сомбора, „Кула“ гостує у „Войводини“ у Товаришеву, а сивацки „Полет“ буде гостём „Кулпина“.

Фудбалери „Младосци“ з Крушчича у 17. колу првенства у Сомборскей медзиопштинскей лиги, перши клас, на гостованю у Рибареву победели дружину „Єдинства“ з резултатом 1:0. Гол хтори дружини „Младосци“ принєсол три боди дал капитен дружини Дарко Грдинич. „Младосц“ є десета на таблици з 18 бодами, а у наступним колу дочека дружину „Гайдука“ з Стапара.

Футсалери „Гайдука“ успишно скончели такмиченє у плей-ауту Футсал лиги Войводини. У шлїднїм колу плей-ауту „Гайдук“ пред своїма навиячами победзел „Кикинду“ зоз 11:3, и кедз полчас скончело ше нєрозришеним резултатом 3:3. Голи за „Гайдук“ дали Боговацки и Йованович по 4, а Киш, Боґичевич и Слиєпчевич по єден. Треба спомнуц же футсалери „Гайдука“ заховали статус войводинского лигаша.

Ђ.Боянич