Гайдук побидзел „Младосц“ 2:0

Минули спортски викенд бул у знаку футбалa.

У другим коле першенства у Српскей лиги ґрупа Войводина „Гайдук 1912“ пред своїма прихильниками у Кули побидзел „Младосц“ з Бачкого Ярка з 2:0. Гости, опредзелєни на грчевиту оборону своїх бранок, одолевали вецей як годзину, алє теди з двома голами за три минути Радован Ивкович принєсол победу Гайдуку. Гайдук 1912 цяпер шести на табели з 4 бодами, а у насампреднейшим коле иде на гостованє до ЧСК Пивари у Челареву.

Футболери Црвенки у другим колу першенства у Войводянскей лиги, ґрупа север, записали и друге пораженє. Црвенка на свойом терену поражена од екипи Раднички 1912 зоз Сомбора зоз 1:0. Просто, ришила искуства гостюх, алє и нєспорни квалитет. Црвенка на пятнацтим месце на табели, без освоєного боду, а у трецим колу першенства иде гостювац ОФК Врбас.

Друге коло першенства у Сомборскей подруководней лиги означели три ремия и єдна пораза екипох зоз кулскей општини.

Липар на своїм терену грал нєришено 2:2 зоз Войводину з Товаришева. Гости ше представели як квалитетни состав, пейц минути их дзелєли од побиди, алє Воркапич голом з пенала виривнал и принєсол свойому тимови бод. Перший гол за Липар дава Миїч. Русин з Русского Крстура у Раткову з Радничким грал нєришено 3:3. Домашнї водзели и зоз 3:1, алє фудбалєри Русина ше нє предавали и свою добру гру закруновали здобуваньом бода. Голи за Русин дали Чизмар з пенала, Кочиш и Малацко. Бод здобул и новачок Сомборскей подручно-лїґи Полет зоз Сивца. Сивчани у Бачу зоз Тврдяву грали нєришено 1:1. Домашнї ришели перши полчас у свою користь, а Плавшич у стредзини другого полчасу дал гол, достаточни за бод Сивчанох. Наш штверти представител Кула у Пивницох програла Славиї зоз 3:0. По другим колу Липар пети, а Русин шедми з по 4 бод, Полет девети зоз 2, а Кула дванадцата з єдним бодом. У насцедуюцим колу на програму перши општински дерби: у Руским Крстуре будзе грац Русин и Липар, Полет у Сивцу дочекує Славию з Пивницох, а Кула на Гедеру угосци тим Борца з Обровца.

Ђ.Боянич