Футбалски подїї минулого викенду
Минули викенд наши футболски дружтва хасновали же би у приятельских шорекох провирели готовосц пред предстоєцим штартом гонки за бодами. Нови подручни лигаш Кула вчора на Гедеру победзел дружтво Липара з 1:0, голо
Минулу викенд наші фудбалски колективи хасновали на дружтвени стречи, же би переверели свою приправеносц пред предстоячим штартом трки за бодами. Нови подручни лигаш Кула вча вчера на Ґедеру победзела екипу Липара з 1:0, голом Златића. Куляни у стреду буду гостїц Искру з Куцури, а в суботу одмера сили з Гайдук юниором. Дальши новайлия у подручней лиги, екипа Червенки, в суботу на своїм терену победзела БСК з Бачкого Брестовца з 8:2. Червенчани глядза противнїка на стреду, а в суботу идза до Крушчица. Младосц з Крушчица в суботу на своїм терену победзела Будучносц з Савиного Села з 3:0. Двойни стрелац за Младосц бул Ґрдинич, а треця гол за Крушчичанох бул автогол гостююцого голмана. Младосц у стреду дочекує екипу Борца з Бачкого Грачца. Гайдук юниор у суботу гостовал у Каравукову, дзе з Полетом грал нерешено 2:2. Голи за Гайдук юниор дали Филип Вуєвич и Давидович. Шести наш подручни лигаш Русин з Руского Крстура минули викенд участвовал на 26. по раде Спортских играх „Яша Баков“. Учеснїки фудбалового турниру у рамикох тих игр, попри Русина, були Искра з Куцури, Бачка з Дюрдьова и Свидник з Словацкей, та турнир мао и медзинародни характер. У полуфиналних стречох Свидник победзел екипу Русина з 3:1, а Искра Бачку з 3:2. Другого дня турниру, у стречу за треце место фудбалери Русина победзели Бачку з Дюрдьова з 3:1, док у борби за победни пехар Искра з Куцури победзела Свидник з Словацкей з 3:1 и стала победнїком фудбалового турниру у рамикох спортских игр „Яша Баков“.
Ђ.Боянич
