Минуловикендовий спортски викенд бул успешни за нашо рукометни и футболни дружства

Наприкос тому же обидва нашо рукометни суперлигаши у 20. колу першенства у Супер Б лиги були гости, осягли вредни резултати. Сивац 69 гостовал у Врбасу, дзе премог домашнїх Врбас Петрол з 31:29. У першим полочасу грало ше углавним гол за гол, аж у финишу першого часу при резултату 15:15 у 26. минути рукометаши Врбас Петрола серийом 3:0 ришели перши час у свою корист з 18:15. У другим полочасу упорни Сивчани зменшовали предносц домашнїх и у 39. минути дошли до виривнаня – резултат теди бул 21:21, а у 54. минути 27:27, аж потим Сивчани преузяли водзенє, повели з 29:27 и тоти два голи предносци успели заховац и славиц вредну вигру. Подля словох тренера Сивца Бранка Жежеля то була найлєпша гра його вибраних гравцох тоту яр, тверда обрана, голмани солидни, виражена велїка жадосц, вложена велїка енергия, котра ше на концу и виплацила. Найефикаснєйши у редох Сивца бул пивот Илиja Коларић, котри постигнул 11 голи, и проглашени за гравца матчу.

Гандбалери Црвенки гостовали у Смедереве, дзе їх дочекав другопоставени тим у лиги, екипа Смедерева. „Веверички“ з того гостованя, на котре одошли без искусного Ивича, врацаю ше з освоєним бодом, бо ше утакмица скончела неришено 29:29, полчас 13:11 за Црвенку. Тренер Црвенчанох Милош Митрович подцагує же по одличним виґлядзе и убедлївей вигри, котру остварели проти Морави з Велкей Плани, з вигровима амбициями ишли на мегдан Смедереву, верици же можу преванїц. Одлична гра гандбалерох Црвенки у оброни и доста настроєних храчох у нападку були причини доброго виґляду у Смедереве. „Веверички“ диктовали темпо и контроловали резултат по цалим стречу, та у 48. минуту водзели з 27:22, а у 57. з 29:27, алє нєискусносц у завршници причина же ше домоў вернули лєм з єдним бодом. Найефективнєйши у екипи Црвенки були Саво Бошкович з 8 и младши Алекса Томич з 7 постигнутих голох.

По двадесецох колох шампионату Црвенка пета на табели з 21, а Сивац 69 осми з 17 бодами. У наступуюцим колу Црвенка идзе на гостйованє до Инђиї, а Сивац 69 будзе на свойом терену домацином Морови з Великей Плани.

Футбалери Гайдука у 26. колу шампионату у Србскей лиги, ґрупа Войводина, пред своїма навиячами у Кули победзели дружину 1. май з Руми з 3:1 и значно звекшали шанси же у остатней часци сезони можу обезпечиц остаток медзи србсколигашами. Глядателє присуствовали уж уобичаєнєй слики на стадиону у Кули: у першого часу добра гра Гайдука була увенчана двома ефектнима голами. Први у 13. минуце постигнул найквалитетнєйши гравец утриманя Урош Божович, котри приял лопту, котру му упутел Матияшевич, понєсол ю нєшка кроки и з яких двадцец метрох вельми прецизно стреля и попатра „малу сиц“ попри лєву стативу немоцного Рамадания. Лєм пейц минут познєй знова по асистенци Матияшевича, Иванович з боку з коло дзесяц метрох попатра гол гостий за 2:0. З тим резултатом пошли на петнацминутну одпочивку. А потим, друга часц утриманя, „гайдукови“ нєпотребно зтиснути, а кара за таку гру приходзи у 78. минуце, кед найквалитетнєйши гравец Румлян Матиевич ишол по боку, хотел послац оштри центершут, лопта зачепела Дамяновича, зменила смер, зманула Дринчича и закончує у сети Кулян за 2:1. Тоти гол пренул футбалерох Гайдука з летаргиї и у самом финишу они стигли до трецого голу. У 87. минуце Божович, кед приял єдну дубинску лопту грудзьми, увишол до шеснацмерца гостий, зманул младого Мандича и попри виганяного Рамадания послал лопту до небранєней сети за конєчних 3:1 за Гайдук 1912.

Гайдук є у тим часе дванадцети на табели з 30 здобутих бодох, а у насамшей колу иде на гостї Раднїцкому до Сомбора.

Двацети пейте коло першенства у Сомборскей околичней лиги означел општински дерби, у котрим Црвенка на своїм терене надграла Липар, вигравши го з 4:0. Так футболери Црвенки продовжели низ ярних успихох, а у општинским дербию проти Липара водзство їм у 15. минуту принєсол Чвокич. На концу першого полчасу храч Липара Трешнич як послєднї обронни храч нєправилно застановел нападнїка Црвенки Бабича, отримал червену карту, а судия присудзел пенал за Црвенку, котри Милан Суботич превернул на други гол. Спомнути Бабич у додатку часу першого полчасу постигол треци гол, а у 62. минуту и штверти гол за убедлїву вигру Црвенки. Русин у Руским Керестуре гостел екипу Наша звезда з Силбаша и уписал минималну вигру 1:0. Тренер Керестурчанох Златко Саянкович подцагує же сама утакмица прешла у растрганей гре, без превише шанси, а же одлука о вигрови падла у 86. минуту, кед Матеј Саянкович прихватовал єдну глибоку лопту и превернул ю на победнїцки гол. Русин тераз штверти на табели з 49, Црвенка єднацта з 32, а Липар дванайсти з освоєнима 27 бодами. У насамом колу Русин иде на гостованє до Кордуна у Кляїчеву, Црвенка гост ЖАК-а у Сомбере, а Липар будзе на своїм терене гостиц екипу Войводини з Товаришева.

Цену победу минулого викенда здобули футболери Кули, котри у утриманю 22. кола првенства у Сомборскей медзиопштинскей лиги першого класа, на гостованю у Дероњох победзели дружину Омладинца з 1:0. Гол одлуки забил Бортник, а победа тим значнєйша, бо Кулу утвердзела на лидерскей позициї на табели. И друге два клуби з нашого општини, котри змаганя у тей ранговей групи, були успешни. Полет у Сивцу победзел дружину Омладинца з Буковца з 3:1. Голи за Полет забили Фуртула, Ромич и Ничетин. З тим истим резултатом 3:1 победу записали и футболери Младосци, котри у Крушчичу приятили дружину Задругара з Србского Милетича. Голи за Младосц забили Грдинич, Килич и Гачевич. Кула перша на табели з 46 бодами, Полет шести з 35, а Младосц осма з 24 бодами. У наступуюцом колу Кула прията Тереквеш з Свилоєва, сивацки Полет идзе на гостованє к Задругару до Србского Милетича, а Младосц з Крушчича гостує у БСК-а у Бачком Брестовцу.

Члени Карате клуба „Гайдук“ мали минули викенд два дуже запажени виступи. Найперше у суботу участвовали на Купу Сербиї за кадетох, юниорох и сениорох, котри одржани у Новим Бечею. „Гайдуковци“ виступели у 24 поєдинокох и пейц екипних, а здобули 13 медалї, з котрих штири златни, три сребрни и шейсц бронзових одличий. Златни медали на Купу Сербиї у поєдинковей конкуренциї здобули кадет Растко Миянович и юниор Михайло Крнаяц, сребрни медали у поєдинковей конкуренциї здобули сениорка Наталия Сератлич и юниорка Миа Двожак, а бронзни одличия у поєдинковей конкуренциї здобули кадет Божидар Мрдак, юниор Растко Миянович, юниорка Матеа Калмар и сениорка Кристина Соколовски. У клубу су горди на два екипни злата на Купу Сербиї, котри здобули юниорска екипа у составу Милош Крнаяц, Лука Гириц, Михайло Крнаяц и Растко Миянович, як и кадетска екипа у составу: Растко Миянович, Милош Крнаяц, Стефан Карапанџа и Божидар Мрдак. Сребрну медалю здобул юниорски тим Гайдука у составу: Матеа Калмар, Милана Корица и Миа Двожак, а бронзни медали у екипней конкуренциї здобули тим кадеткох Гайдука у составу: Лана Любенкович, Миа Двожак, Исидора Пеквич и Анджела Медаревич, як и тим сениоркох у составу: Александра Джикич, Наталия Сератлич и Кристина Соколовски. У Карате клубу „Гайдук“ су надзвичайно задовольни з успиху своїх членох на Купу Сербиї, а окреме з титулами екипних шампионатох юниорох и кадетох. З поєдинкарох окреме видзелєл ше Растко Миянович, котри здобул три злата и єдну бронзу, як у екипней, так и у поєдинковей конкуренциї, што є подвиг без паря, як и юниор Михайло Крнаяц, котри здобул два злата. Йдзе о двох певно найперспективнєйших младих борцох у Сербиї.

У нєдзелю члени Карате клуба Гайдук, тей тижень и в Новим Бечею, участвовали на традицийним меджународним турниру „Дунав Куп“, з якого двацец членох того клуба верта з 7 золотима, єдним сребрним и 5 бронзовима медалями, што було доста, жебы Карате клуб „Гайдук“ бул найуспешнєйши клуб на тим турниру у борбах. Титулами победителёх „Дунав Купа“ наградзели себе нада Стефан Карапанџа, пионирки Ваня Ярич и Невена Вуясин, як и пионири Войин Милетич, Сергей Баран, Миляан Мрдак и Марко Джисалов. Сребрну медалю здобул пионир Лука Рокнич, а бронзни медали женски нади Исидора Пеквич, Милица Буквич и Анджела Медаревич, як и мушки нади: Алекса Пуцар и Илия Драгич. Медали здобули члени младших узрасних категорий Гайдука, што є надежним знаком, же су на правей драги, жебы успишно наследзели своїх старших хлопцох и дївки, хтори доминує у кадетскей и юниорскей конкуренциї.

Ђ.Боянич