Црвенка виграла Гайдук юниор з 3:1

Треце коло першенства у Сомборскей окружней лиги обзначел општински дерби, одогране у пяток у Червенки, у котрим футболєри Червенки перемогли Гайдук юниор з Кули з 3:1. Вижени були матч, котрим ше нє би застидзели анї дружтва з вишим уровнём змаганя. Червенка повела голом Радуловича, потим капитан Милан Суботич зо слободного удару повекшал предношц на 2:0, а Филип Вуёвич зо шеснацмецки зменшал предношц домацина на 2:1 и з тим резултатом дружтва ишли на оддих. У самим финишу матчу Малеш дал треци гол за заслужену, трецу победу Червенки по шоре. Липар пред своїми фанушами перемогол дружтво Стари град з Бачкей Паланки з 2:1, алє мушел ше помучиц, бо гости повели. Але голами Бановича и Ковача Липарчани славели победу и вкупно з Червенку остали непоражени у дотерашнїм ходе першенства. Приємно здумовали футболєри Младосци з Крушчича, котри на гостованю у Гайдобри перемогли дружтво Герцеговца з 3:2. Стрелци за Младосц були Пап, Кишюгас и Комазец. Кула на гостованю у Станишичу програла домацину Станишичу з 10:1. Почасни гол за Кулу дал Букеїлович. Шесци наш представитель Русин з Русского Крстура на гостованю у Младенову преграл Будучносци з 3:0. Червенка друга на таблици з 9 бодами, Липар пети з 5, Гайдук юниор шесци, а Младосц девета з 4, покля Русин пецнацти, а Кула остатня, шеснацта, без здобутих бодох. У насамредним колу Гайдук юниор у Кули прияма Будучносц з Младенова, а Кула дружтво ЖАК-а з Сомбора, Червенка иде гостовац к Славиї до Пивницох, Липар гостуюци у ведучого Станишича, Русин у Руским Крстуре прияма Герцеговца з Гайдобри, а Младосц у Крушчичу у суседским дерби прияма дружтво Борца з Бачкого Грачца.

Почало првенство у Сомборскей медзиопштинскей лиги перши розряд, у котрей ше надметую футбалери Полета з Сивца. Сивчани у першим колу гостовали у Бачком Брегу, дзе зоз домашним Динамом грали неришено 2:2. У другим колу првенства футбалери Полета иду гостовац екипи Омладинца у Деронє.

Ђ.Боянич