Црвенчани победзели Раднички з Сомбора

У сусїдским дербию другого кола првенства у гандбаловей Супер Б лиги гандбалери Сивца у Црвенки победели домашнє дружтво Црвенки з 27:26, полчас 16:14 за Црвенку. Победзело искуство дружтва з Сивца, бо як инакше пояснїц поразку Црвенки, котра у 43. минуту вела з 21:16. Највероятнєйше млади игроки Црвенки думали, же победа обезпечена, пришло опущанє, шицки технїчни хиби, котри искушене дружтво з Сивца хаснує и заслужено побежує. Гол за победу буквално у последнїх секундах забил найбаржейши игрок сретаня, пивот Марко Живкович. Гандбалери Сивца з двох одограних сретань здобули три бодови, док Црвенка одограла лєм єдно сретанє и записала поразку. У третей колу првенства Сивац 69 витує дружтво Вождовац з Београду, а Црвенка идзе на гостї до Мачви у Богатичу.

Посртанє футболерох Гайдука ше продовжує. У седмим колє првенства у Сербскей лиги ґрупа Войводина Гайдук 1912 вєзал и пети узастопни пораз. Куляни програли екипи „1. маю Рума“ у Руми з 1:0, а гол одлуки упал у 84. минути. Гайдук 1912 є моментално шицтистий на таблици з 6 здобутима бодами, а у наступним колє дочека екипу Желєзничара з Панчева, котра є єдина зо шицома виграшами.

Футболисти Црвенки у седмим колу чемпионату у Войводинскей лиги група север пред своїма фанушиками побидзели екипу Радничкого зо Сомбора зо 3:1. Два голи за Црвенку забил Костич, а єден гол Шакич. Црвенка є на тот час девета на табели зо 10 здобутих бодох, а у осмим колу чемпионату иде на гостованє к водзей Слоги до Чоноплї.

Успишни були и футболисти Русина, котри у седмим колу першенства у Сомборскей околичней лиги пред своїма прихильниками у Руского Керестура победзели Славию з Пивницох з 2:1. Ґоли за Русин дали Давидович и Бранкович. Русин є осми на табли з 11 здобутих бодох, а у осмим колу першенства иде на гостованє к Радничкому до Раткова.

У општинским дербию седмого кола першенства у Сомборскей медзиопштинскей лиги першого розреду, одограним у Липару, футболисти Липара убедлїво з 6:0 победзели Младосц з Крушчича. Дворазни стрелац за Липар бул Лалич, а по єден ґол дали Лазич, Басарич, Ковач и Ґаврило Попович. Футболисти Кули на гостованю у Оджацох програли од екипи Лидер з 3:1, док сивацки Полет бул поражени у Алекси Шантичу од истоименной екипи з 3:2. По тим колу Кула осма на табли з 10 бодох, Липар десяти з 9, Полет дванадцати з 7, док Младосц тринадцата з 6 здобутих бодох. У наступним колу Липар знова домацин и пред своїма глядачами будзе госциц екипу Борца з Бачкого Грачца, Кула на Гедеру прийме последню ОФК Оджаки, Полет у Сивцу одмири сили з екипом Лидер з Оджацох, док Младосц у Крушчичу прийме екипу Гайдука з Стапара.

Ђ.Боянич